Para Ameijide estamos ante “un novo intento de Sánchez de torpedear as competencias propias de Galicia”: “O Goberno central intenta vulnerar competencias autonómicas pola porta de atrás”
Lugo, 18 de febreiro de 2026. Os deputados do Grupo Provincial Popular reclaman ao Goberno central que amplíe o prazo da consulta pública previa sobre a modificación do Regulamento Xeral de Costas, así como que achegue “información clara, detallada e transparente sobre o alcance real da reforma proposta”.
Así o anunciaron hoxe en Viveiro os deputados populares, Antonio Ameijide e Demetrio Salgueiro, durante unha xuntanza con alcaldes da Mariña.
O voceiro provincial popular, Antonio Ameijide, considera insuficiente o prazo de 15 días establecido polo Goberno central para un asunto de tanta relevancia, que afecta directamente á actividade económica, ao emprego e á estabilidade de milleiros de familias vinculadas ao sector marítimo e pesqueiro.
“Non se pode abordar unha modificación normativa destas dimensións sen diálogo real nin tempo suficiente para que os sectores implicados poidan analizar as consecuencias e presentar alegacións con rigor”, explicou.
O voceiro popular advirte de que a falta de información sobre o contido exacto da reforma e sobre as esixencias derivadas da Unión Europea xera incerteza e preocupación nun sector estratéxico para a economía da provincia. “Calquera cambio nas condicións das concesións ou nos usos do litoral debe garantir estabilidade e seguridade xurídica, elementos imprescindibles para manter investimentos, emprego e actividade produtiva”, afirmou.
Antonio Ameijide destaca que o sector do mar constitúe un dos principais motores económicos da provincia, sustentando milleiros de postos de traballo directos e indirectos e contribuíndo á cohesión social das zonas costeiras. Por iso, “unha actuación responsable por parte do Goberno central, baseada no consenso, na transparencia e no respecto ao tecido produtivo é fundamental”.
O Grupo Provincial Popular reafirma así o seu compromiso coa defensa activa do sector marítimo e pesqueiro, das empresas, dos traballadores e das familias que viven do mar, apostando por un modelo que compatibilice a protección ambiental co desenvolvemento económico e social do litoral.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
