Os concelleiros populares explican que “segundo a información da que dispoñemos, o goberno local decidiu actuar nunha pista de monte situada en Sopena-Villapol que unicamente dá servizo a dúas vivendas. Casualidade ou non, o inicio da actuación sitúase na contorna da casa e nave do tenente de alcalde, Javier Huertas, e remata nas proximidades do domicilio habitual da alcaldesa”
Lourenzá, 21 de febreiro de 2026. Os concelleiros do PP de Lourenzá denuncian o seu profundo malestar pola aplicación que a alcaldesa fai do Plan Camiña Rural 2025/2026. “A realidade é que a actuación prevista responde a intereses particulares da alcaldesa e do tenente de alcalde e non ao interese xeral da veciñanza, como sería desexable e lóxico nunha administración pública”, denuncian.
Os concelleiros populares explican que “segundo a información da que dispoñemos, o goberno local decidiu actuar nunha pista de monte situada en Sopena-Villapol que unicamente dá servizo a dúas vivendas. Casualidade ou non, o inicio da actuación sitúase na contorna da casa e nave do tenente de alcalde, Javier Huertas, e remata nas proximidades do domicilio habitual da alcaldesa”.
Os populares explican que se trata dunha pista antiga de monte, sen explotacións agro-gandeiras activas ao longo do seu percorrido, rodeada fundamentalmente de monte e fincas privadas sen uso produtivo.
“Desde o noso grupo consideramos un escándalo que se destinen recursos públicos municipais a unha actuación que non responde a criterios de necesidade xeral nin de apoio ao sector primario, cando existen noutras zonas do concello pistas en peor estado e que si dan servizo a explotacións agro-gandeiras que precisan melloras urxentes para garantir a súa actividade e competitividade”, explicaron.
Os concelleiros do PP de Lourenzá entenden que o Plan Camiña Rural debe empregarse para favorecer o desenvolvemento rural e apoiar ás explotacións que xeran actividade económica e emprego, e non para realizar actuacións que beneficien de maneira directa e evidente a membros do propio goberno municipal.
Desde o Grupo Municipal Popular “non podemos permanecer en silencio ante unha decisión que consideramos claramente partidista e allea ás verdadeiras prioridades do conxunto da veciñanza, polo que reclamamos transparencia, criterios obxectivos na planificación dos investimentos e un uso responsable dos recursos públicos en beneficio de todo o concello, e non duns poucos”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
