Advirten que o remanente de tesourería reduciuse de 19 millóns en 2022 a 8,5 millóns en 2026 sen investimentos transformadores para o municipio
Xove, 13 de febreiro de 2026. O Grupo Municipal Socialista de Xove denunciou no primeiro pleno ordinario do ano a “falta absoluta de planificación” do goberno de Demetrio Salgueiro e advertiu da “preocupante deriva económica” que reflicten as contas municipais.
O pleno comezou coa aprobación dunha modificación de crédito de 18.000 euros para facer fronte á avaría dos ventiladores da piscina municipal, unha actuación cualificada de urxente polo executivo local. “Esta modificación prodúcese apenas unhas semanas despois da aprobación dos orzamentos de 2026”, denuncian.
Dende o PSdeG consideran que este feito evidencia unha xestión baseada na improvisación. “Non é razoable que un mes despois de aprobar os orzamentos haxa que recorrer a modificacións de crédito por cuestións que deberían estar previstas. Isto demostra que non existe planificación nin control, e que o Concello funciona a golpe de ocorrencia”, sinalan.
Déficit de máis de 2 millóns nas contas de 2025
O Pleno aprobou tamén a liquidación do exercicio 2025, que pecha cun déficit superior aos 2 millóns de euros. Para o Grupo Municipal Socialista, este resultado evidencia o desfase estrutural entre o que se presuposta e o que realmente se executa. “Levamos anos advertindo de que os orzamentos son un copia e pega, sen planificación nin proxecto de futuro. Xa non falamos dunha valoración política, son os propios datos os que o evidencian”, sinalan.
As socialistas lembran ademais que desde 2022 o Concello vén consumindo o remanente de tesourería ata reducilo case á metade, ao pasar de 19 millóns de euros a apenas 8,5 millóns en 2026, “sen que esa redución se traducise en grandes obras, infraestruturas estratéxicas ou melloras estruturais para a veciñanza”. “Reduciuse o aforro municipal en máis de 10 millóns de euros e Xove segue sen transformacións de fondo. Esa é a realidade”, subliñan.
Orzamentos comprometidos e sen marxe de actuación
Durante o debate plenario, o propio alcalde recoñeceu que o 92% do orzamento de 2026 xa está comprometido antes de comezar o exercicio, o que deixa ao Concello practicamente sen capacidade de decisión nin marxe para impulsar novos investimentos.
Para o PSdeG, esta situación é “especialmente grave” nun momento de crecemento económico e de oportunidade para modernizar servizos básicos, como a rede de abastecemento de auga, as estradas ou as infraestruturas portuarias.
Sen investimentos nin avances tras case dúas décadas de goberno
No apartado de rogos e preguntas, o PSdeG asegura que quedou patente a ausencia de investimentos da Xunta para 2026 e a falta de avances en proxectos como a ampliación do polígono industrial de Camba ou os pantaláns de Morás. “Todo está en trámites. Levamos 19 anos escoitando anuncios e promesas que nunca se traducen en feitos”, sinalan.
Durante o debate, o alcalde amosou o seu malestar polas preguntas formuladas pola oposición, unha reacción que, segundo o Grupo Socialista, “evidencia a incomodidade de ter que dar explicacións ante a falta de resultados”. “Tras case dúas décadas de goberno, Xove segue sen proxectos transformadores nin planificación a medio prazo”, apuntan.
“O que estamos vendo ano tras ano é unha forma de gobernar baseada na falta de planificación, na ausencia de proxectos e nun progresivo debilitamento da capacidade económica do Concello. Xove merece rigor, responsabilidade e un proxecto de futuro”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
