Os deputados populares presentarán unha iniciativa no pleno para que o goberno provincial arranxe as deficiencias desta vía que é o principal punto de acceso dos veciños de Trabada ao Hospital da Mariña, ademais de dar acceso a varias explotacións e iniciativas empresariais
Lugo, 9 de febreiro de 2026. Os deputados do Grupo Provincial Popular seguen a reclamar á nova presidenta, Carmela López, un cambio de rumbo á fronte da Deputación de Lugo, sobre todo no que ao mantemento da rede viaria provincial se refire.
O voceiro provincial Antonio Ameijide, xunto ao tamén deputado e voceiro en Trabada, José María Fernández, e ao voceiro do PP de Barreiros, José Manuel Gómez Puente, revisaron o estado da vía LU-P-6103, que conecta ambos municipios da Mariña.
A realidade é que “o firme da vía presenta numerosos desperfectos, como fochancas e o coñecido como pel de crocodilo, así como é necesaria renovar a sinalizaron, tanto a horizontal como vertical, e a limpeza das cunetas”. “É dicir, cómpre realizar o mantemento máis básico que leva moito tempo sen facerse”, sinalou.
Antonio Ameijide recorda que esta estrada é moi empregada, sobre todo polos veciños de Trabada porque é a principal vía de conexión co hospital da Mariña, pero tamén conta unha elevada circulación de vehículos pesados xa que dá acceso a varias explotación e iniciativas empresariais.
Ademais, está vía debería de presentar un estado de mantemento “idóneo” xa que “en moitas ocasións, polas inclemencias meteorolóxicas como a néboa, a visibilidade é moi reducida, polo que mantela en perfectas condicións é preciso para manter a seguridade viaria”.
Dende o Grupo Provincial Popular defenderase unha iniciativa no pleno para que “o goberno provincial dunha vez escoite as reclamacións dos veciños de ambos municipios” a pesar de que “non é a primeira vez que demandamos o mantemento da LU-P-6103 no presente mandato”. “Agardamos que dunha vez por todas atendan esta reclamación encamiñada a garantir a seguridade de todos os usuarios destas vías é prioritario”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
