As e os socialistas denuncian a falta de avances en proxectos anunciados “a bombo e platillo” polo alcalde e reclaman investimentos reais da Xunta de Galicia en servizos básicos e infraestruturas
Xove, 7 de febreiro de 2026. O Grupo Municipal Socialista de Xove defenderá no pleno ordinario do vindeiro luns unha batería de preguntas e tres rogos para esixir respostas ante a inacción do goberno local do Partido Popular e a ausencia de resultados reais tras anos de anuncios baleiros por parte do alcalde, Demetrio Salgueiro.
O PSdeG preguntará cal vai ser a achega da Xunta de Galicia ao longo do ano 2026 para actuacións como a ampliación do Polígono Industrial, a instalación de pantaláns, a ampliación da zona de atraque do Portiño de Morás ou a mellora da rede de abastecemento de auga, un servizo básico que continúa a presentar graves deficiencias, con episodios nos que a auga chega ás vivendas en condicións “lamentables e impropias do século XXI”.
O Grupo Municipal pedirá tamén aclaracións sobre o compromiso da Xunta en ámbitos fundamentais para a veciñanza como o Servizo de Axuda no Fogar, o comedor escolar e o mantemento dos centros educativos, así como sobre a falta de avances na dotación de infraestruturas deportivas axeitadas para o municipio.
Neste sentido, o PSdeG preguntará ao goberno local se ten intención de impulsar un pavillón polideportivo e multiusos acorde ás necesidades actuais de Xove, tendo en conta as limitacións da instalación existente, concibida hai décadas para outros usos e que non responde ás demandas actuais da veciñanza.
En canto aos rogos, a formación instará ao goberno local a acometer a reparación e ampliación dunha ponte situada na estrada que conecta o cruce de Lago co burgo de Vila, unha infraestrutura que presenta afundimentos, é especialmente estreita e acumula auga en episodios de choiva, o que supón un grave risco para a circulación e require unha actuación inmediata.
Do mesmo xeito, o PSdeG solicitará a elaboración dun inventario das estradas locais que permita establecer criterios claros e técnicos para o seu mantemento e conservación, fronte á ausencia de planificación na xestión actual do Partido Popular.
Finalmente, as os socialistas pedirán que se execute o asfaltado dun pequeno tramo, duns 8 metros cadrados, no acceso á vivenda dun veciño de Lago, unha actuación sinxela que consideran perfectamente asumible a comezos de ano e que non debería quedar sen resolver por falta de vontade ou previsión.
Desde o PSdeG de Xove conclúen que, “fronte a un goberno local instalado no anuncio permanente, dende o Grupo Socialista continuamos exercendo unha oposición activa e responsable, levando ao pleno preguntas de control e propostas concretas centradas nos problemas e necesidades que nos traslada a nosa veciñanza”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
