O equipo de Goberno, verificadas as conclusións, non seguirá alimentando esta polémica tras constatar que a portavoz do PSOE se limita a reproducir consignas partidistas e difundir falsidades en redes sociais, sen importar o dano que este tipo de discursos provoca na tranquilidade das persoas maiores, das súas familias e no traballo rigoroso dos profesionais de Servizos Sociais
Cervo 7 de febreiro de 2026. O Concello de Cervo concluiu a investigación iniciada tras recibir as queixas dunha única familia usuaria do servizo de axuda no fogar e contrastar os feitos co persoal municipal e cos protocolos vixentes, para concluír que queda acreditado o bo funcionalmento deste servizo de apoio ás persoas maiores e dependentes, un dos poucos da Mariña que se prestan con persoal municipal.
“O Goberno municipal actuou con dilixencia, sen perder tempo, e resolveu esta situación en base aos informes técnicos e ás probas que correspondan tanto dunha parte como da outra, comunicando as conclusións á usuaria e ao seu familiar unha vez acrediten que son as súas representantes, como esixe a lei ”, explican desde o Equipo de Goberno.
Namentres, lamenta que o PSOE insista na súa estratexia de cuestionamiento e desprestixio das traballadoras do servizo, que se atopan moi afectadas por estes ataques, chegando incluso a provocar baixas, e insisten en que aclarados os feitos non alimetarán este intento de xerar polémicas estériles e alarma social.
PLENO MUNICIPAL
Desde o equipo de Goberno explican o sucedido no ultimo pleno municipal, o pasado xoves, onde a portavoz do PSOE de Cervo volveu utilizar ás persoas maiores como arma política, xerando unha polémica innecesaria arredor do Servizo de Axuda no Fogar (SAF).
“Resulta especialmente preocupante que, tras ter que ser a propia Alcaldesa a que lle explicase no pleno o funcionamento básico do SAF, quedase constatado un evidente descoñecemento do servizo sobre o que se realizaron acusacións tan graves”, indican.
Lonxe de centrarse en garantir a protección das persoas maiores ou en achegar propostas construtivas, a súa intervención limitouse a cuestionar quen redactara un documento tipo, un modelo administrativo de uso xeral nos departamentos de Servizos Sociais dos concellos (incluso nos que goberna o PSOE), desviando o debate do realmente importante, que ese papel nunca fai renunciar ás horas da usuaria nin en Cervo nin en ningún outro concello.
“No pleno, lonxe de rectificar, volveu insistir en mensaxes falsas, xerando unha alarma social absolutamente inexistente e utilizando políticamente ás persoas maiores, algo especialmente grave e irresponsable cando se trata dun servizo esencial.”, explican.
Todo isto fíxose sen contrastar a información, sen achegarse á Casa do Concello e sen solicitar explicación ningunha polas vías institucionais correspondentes. Para ela foi mellor xerar alarma sen saber, sen contrastar, e través das redes sociais e a prensa sin verificar os feitos. Non constatou que ese modelo tipo se utiliza en outros concellos de distinto color político, e non se renuncia ás horas por firmalo, se non que queda constancia do uso delas. Non pediu informes e non quixo coñecer a realidade do funcionamento do servizo.
“A portavoz do PSOE limítase lamentablemente a reproducir consignas partidistas e a seguir directrices alleas á realidade do noso concello, sen importar o dano que este tipo de discursos provoca na tranquilidade das persoas maiores, das súas familias e no traballo rigoroso dos profesionais de Servizos Sociais.”
Desde o Goberno municipal reiteran con firmeza que o Servizo de Axuda no Fogar en Cervo funciona con criterios técnicos, con transparencia e plenamente axustado á legalidade, e que non existiu nin existe ningunha directriz política para recortar dereitos nin promover renuncias de ningún tipo.
Así mesmo, queren deixar claro que desde o primeiro momento o equipo de goberno está actuando con máxima responsabilidade, coidado e respecto tanto cara á persoa maior usuaria do servizo como cara á súa familia, así como coa presunción de inocencia da traballadora social á que se dirixen as acusacións.
“Falamos dun servizo e dun ámbito moi sensibles, que non deben ser politizados nin utilizados para manchar a imaxe dun servizo público esencial sen coñecer con certeza o que realmente ocorreu.”
O Equipo de Goberno conclúe insistindo en que non vai permitir que se xogue politicamente coa dignidade das persoas maiores nin que se xere alarma social cun asunto tan sensible. O noso compromiso é claro e inequívoco: defender un SAF público, digno, seguro e pensado para protexer ás persoas máis vulnerables, así como o traballo profesional e rigoroso dos servizos sociais municipais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
