Tamén puxo en valor a aposta pola transición enerxética e a innovación como eixos de futuro que sitúan a Ferrol como referente na transformación do sistema portuario
Ferrol, 20 de febreiro do 2026. A conselleira do Mar, Marta Villaverde, realizou hoxe unha visita institucional ás instalacións da Autoridade Portuaria de Ferrol-San Cibrao no peirao de Curuxeiras, onde coñeceu de primeira man os principais proxectos en marcha e as liñas estratéxicas desta infraestrutura clave para o desenvolvemento económico e industrial do norte da comunidade.
Durante o encontro co presidente da Autoridade Portuaria, Francisco Barea, a titular de Mar puxo en valor a capacidade de adaptación do porto ferrolán nun contexto marcado polos profundos cambios derivados da política europea de descarbonización, que tiveron un impacto significativo na actividade portuaria da comarca nos últimos anos. Neste sentido, destacou o esforzo realizado para diversificar tráficos e avanzar cara a un novo modelo produtivo vinculado á loxística, ás enerxías renovables e á industria de valor engadido.
A responsable autonómica salientou a recuperación dos tráficos rexistrada en 2025, cun incremento do 5,7% respecto ao ano anterior, así como o forte crecemento da mercadoría xeral, especialmente en contedores e madeira, o que consolida ao porto como un actor relevante na cadea mar-industria galega.
A conselleira do Mar reafirmou o compromiso da Xunta coa colaboración institucional e co apoio a infraestruturas portuarias estratéxicas que contribúan a fortalecer a competitividade da economía azul, a xeración de emprego e a posición de Galicia como referente marítimo-industrial no ámbito estatal e europeo.
Transición enerxética e innovación
Na visita abordáronse tamén os proxectos de transición enerxética en marcha, entre eles o desenvolvemento de instalacións de autoconsumo renovable e a electrificación de peiraos. Unhas iniciativas aliñadas cos obxectivos europeos de redución de emisións e que sitúan a Ferrol como referente na transformación do sistema portuario.
Así mesmo, Villaverde valorou a aposta pola innovación e a cooperación tecnolóxica, destacando a participación da Autoridade Portuaria en proxectos europeos e en programas estatais como Portos 4.0, así como a creación dun comité multidisciplinar de innovación que permitirá impulsar novas solucións dixitalizadas e sostibles.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
