Ribadeo, 4 de marzo, 2026. O 25 de febreiro, cinco estudantes do IES Ribadeo Dionisio Gamallo participaron na Olimpiada sobre os 40 anos da adhesión de España á Unión Europea, unha iniciativa destinada a fomentar o coñecemento, a reflexión crítica e o interese polo proxecto europeo entre a mocidade.
Leire Alves Martínez, Aya Bendaoud Kantini, Uxía Díaz Saavedra, Martín García Díaz e Ainara Vega Monteserín, alumnado de 4º da ESO, desprazáronse xunto ao seu profesor de Filosofía, Manuel Yáñez, ata o edificio Redeiras da Universidade de Vigo. Alí, xunto a outros catro centros da comunidade, foron recibidos por Emma Fernández Sánchez, presidenta da Delegación en Galicia do Equipo Europa. Tamén escoitaron a intervención de Mar Rodríguez Mediavilla, subdirectora xeral de Relacións coa UE, e participaron nunha masterclass previa á proba, dirixida por Elisabet de Santiago, técnica municipal do Concello de Tomiño.
A proba consistiu na elaboración dun ensaio sobre cuestións relacionadas co 40º aniversario da adhesión de España á Unión Europea. Nesta fase rexional participaron o IES Salvaterra de Miño, o IES Xesús Taboada Chivite, o IES Monelos, o Instituto de Educación Secundaria Leliadoura e o IES Ribadeo Dionisio Gamallo. A xornada permitiu compartir experiencias e intereses comúns con alumnado e profesorado doutras zonas de Galicia, enriquecendo a práctica docente desde novas perspectivas académicas e vitais. A organización do Equipo Europa en Galicia ofreceu ademais unha alternativa formativa transversal e diferente á rutina habitual dos centros.
A Olimpiada sobre a Unión Europea forma parte do programa Europa na Aula, que inclúe charlas formativas sobre a UE, as súas institucións e os seus valores fundamentais, dirixidas a centros de Secundaria, Bacharelato e Formación Profesional de Grao Medio de todo o Estado. Trátase dunha iniciativa de ámbito nacional promovida polo Equipo Europa desde 2019.
Os resultados desta fase coñeceranse a mediados de marzo. O centro gañador participará na fase nacional, que se celebrará en Granada do 17 ao 19 de abril. O equipo vencedor viaxará posteriormente a Bruxelas para coñecer as institucións europeas e, xunto co segundo e terceiro clasificado, asistirá o 9 de maio en Madrid á celebración do Día de Europa, onde se entregarán os premios e diplomas da Olimpiada.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
