Unha sociedade na que a xente participa pode ser máis complexa e tamén máis complicada de xestionar, mais iso é precisamente unha indicación de que está viva.
Chamoume a atención unha nova de hai poucos días: mentres houbo menos de dez alegacións previas á aprobación do novo nomenclátor de Galicia, foron máis numerosas as protestas a posteriori da súa aprobación. Estamos a falar, neste caso, de entidades, concellos, máis que de persoas, o que expón mellor as deficiencias de participación, ó verse implicadas institucións, polo tanto con máis forza que persoas individuais para facerse valer. E queixas que son algo que aflora ás claras despois das verbas dunha declaración do alcalde do Porto do Son, que se queixou de ser consultado o concello pero non poder participar no proceso. E iso que o alcalde é do PP, o que -nas actuais circunstancias e mentalidade- supón ter máis facilidade de acceso ó proceso e a quen o leva a cabo e debe aprobalo. Tamén pode que por iso o termo empregado sexa ‘queixa’ e non ‘protesta’.
Non se trata só deste caso concreto, de estar de acordo cuns determinados cambios ou non, o que sería un máis dos casos posibles, senón que a tendencia enfoca en xeral ó sistema de aprobación e aplicación de normas sociais (leis incluídas) animadas e certificadas dende a política. De novo, podería dicirse que os políticos, aínda con moita variación entre grupos e mesmo dentro deles, van polo voto, que transmite o poder do pobo que vota a quen elixe en representación, non axustando logo o poder (quen ten xa o poder) ó mandato que dá ó voto, comezando por esquecer o estar en contacto co pobo para poder levar a cabo esa representación de xeito fiel. Non quere iso dicir que haxa que realizar un referendo entre os votantes de cada representante para poder tomar cada decisión, senón ter a oportunidade de coñecer e valorar de xeito adecuado o que pensa e sinte quen vota.
Pola contra, dende a ditadura non se chegou a valorar abondo a participación cidadá, perdendo os partidos o pouco impulso que en xeral tiñan ó comezo do período constitucional, para tentar establecer as canles desa participación. Unha mostra observable é a imposibilidade de participación nas decisións da administración máis próxima a nós, a local. Aínda que en cada concello é diferente, cando hai algunha posibilidade de participación, soe ser abondo descoñecida e, dun xeito ou outro, dificultada na práctica e mediatizada. No caso de Ribadeo, o máis que se logrou ate o momento, de xeito regulado, é poder preguntar por medio dunha asociación de veciños ó concello con contestación (coa venia do alcalde, que se ten esquecido máis dunha vez, esmorecendo o seu uso dende hai máis dunha década) ó final dos plenos, ou a proposta a partir da convocatoria por parte do concello de ‘consellos’ con participación de asociacións, non ó revés. A variación desa normativa tentouse facer xa hai anos vía a estratificación e dependencia das asociacións veciñais das asociacións de tipo económico (comercia, empresarial…).
Mentres, a participación procúrase nunhas eleccións nas que se nota o medre da desafección ás entidades de goberno e o impulso a acollerse a calquera populismo con promesas que moitas veces se esvaecen nada máis exercer o voto, unha vez impulsado o ‘líder’
correspondente. E así ó longo do tempo, con trabas á participación que non sexa controlada polos partidos políticos, de xeito que as asociacións esmorecen. Non é de estrañar que a protesta se vexa como xeito de participación. E si, é un xeito de participar, pero no que as contribucións positivas vense minguadas o basearse na confrontación e non na construción. Dende logo, non é o óptimo. Pero moitas veces é a única saída para ter oportunidades de participación social efectiva.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
