O delegado territorial, Javier Arias, destaca que no último ano concedéronse na provincia 70 axudas para “reforzar a calidade e a competitividade dun sector clave para a nosa economía”
Guitiriz, 7 de abril de 2026. A Xunta de Galicia destinou nos últimos meses máis de 4,2 millóns de euros a sufragar actuacións de mellora das instalacións e da eficiencia enerxética das empresas turísticas lucenses ao abeiro de senllos programas impulsados por Turismo de Galicia.
O delegado territorial de Lugo, Javier Arias, visitou hoxe o hostal restaurante “La Casilla”, en Guitiriz, beneficiario de ambas iniciativas o pasado ano. Explicou que no conxunto da provincia concedéronse 70 achegas a establecementos de aloxamento e restauración; dese total, 38 corresponden á convocatoria para mellorar a eficiencia enerxética, cun importe global de 3,7 millóns de euros, e 32 ao plan de axudas para modernizar ou reformar as infraestruturas, por unha contía de máis de 482.000 euros.
Con respecto a esta segunda medida, Arias sinalou que xa está aberta a convocatoria de 2026 e as persoas interesadas poderán presentar as solicitudes a través de sede electrónica ata o vindeiro luns, día 13. Está dotada con 4,5 millóns de euros e o financiamento pode alcanzar o 60% do orzamento previsto ata o importe máximo de 60.000 euros.
O delegado gabou “o pulo do sector e o seu esforzo por ofrecer servizos de calidade en instalacións cada vez máis coidadas e confortables”, e referiuse ao establecemento guitiricense como “un referente na comarca, que se reforza con máis e mellores servizos”. En concreto, nos últimos meses realizaron obras na envolvente térmica e no sistema eléctrico para conseguir un maior aforro enerxético e confortabilidade, e tamén renovaron a zona de xogos infantís.
Na mesma liña, subliñou a aposta do Goberno galego para “reforzar a calidade e a competitividade dun sector clave para a nosa economía”, que abrangue o 11% do total de ocupados na Comunidade.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
