A Mariña, 1 de abril de 2026. A Asociación Profesional de Obradoiros Artesáns da Mariña organiza a súa primeira iniciativa con motivo dos Días Europeos da Artesanía, que terá lugar o 8 de abril no Forte de San Damián, en Ribadeo. A Mancomunidade anima a participar nestas actividades.
A xornada, impulsada pola asociación de recente creación, realízase en colaboración coa Fundación Pública de Artesanía de Galicia e o Concello de Ribadeo, co obxectivo de poñer en valor a riqueza dos oficios artesáns do territorio.
A creación da asociación está ligada ao traballo desenvolvido nos últimos anos xunto á Mancomunidade de Concellos da Mariña Lucense, en iniciativas como A Mariña Artesá ou Obradoiros con Corazón, onde tamén se produciron os primeiros encontros que deron orixe ao colectivo.
Durante a xornada, o público poderá participar en 12 talleres artesáns, con propostas vinculadas á cerámica, á madeira, ao coiro ou ao téxtil, guiadas por profesionais en activo. Entre as actividades inclúense técnicas como o kintsugi, a estampaxe natural, a marroquinería, o torno de oleiro, a modelaxe ou o traballo coa la.
Ademais dos talleres, haberá unha zona expositiva de oficios tradicionais, na que participarán artesáns que non imparten cursos, pero que mostrarán o seu traballo. Entre eles, a coitelería de Rodil, da Pontenova, xunto a outras propostas.
A xornada de Ribadeo será a primeira dos Encontros Singulares de Artesanía que se celebran na provincia, coordinadas con outras dúas citas: o 10 de abril no claustro da Catedral de Lugo e o 12 de abril no Pazo de San Isidro de Mondoñedo. Estas organizadas por a ASOLUA (Asociación Lucense de Artesáns) e a Asociación de Artesáns dos Muíños de Mondoñedo, respectivamente.
A actividade desenvolverase entre as 11:00 e as 19:00 horas, con acceso gratuíto previa reserva. Todas as actividades que se celebran entre o 7 e o 12 de abril con motivo dos Días Europeos de Artesanía en toda España poden consultarse na web oficial www.diasdelaartesania.es, que conta cun buscador e mapa interactivo para localizar propostas por proximidade.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
