Ribadeo, 13 de abril de 2026. O Concello de Ribadeo, a través da Área de Benestar Social, Saúde e Familia, pon en marcha un grupo de apoio mutuo dirixido a coidadores e coidadoras de persoas dependentes, en colaboración coa asociación Cuiden Maiores e Coidadores.
Esta iniciativa desenvolverase no Centro Social de Ribadeo con carácter quincenal e dará comezo o vindeiro 28 de abril. Trátase dun proxecto piloto cunha duración inicial de tres meses, tras os que se avaliará a súa continuidade en función da participación e acollida por parte da veciñanza.
O grupo consistirá nun espazo de encontro no que as persoas participantes poderán compartir experiencias e inquedanzas relacionadas coa labor de coidador. As sesións estarán moderadas por profesionais da asociación Cuiden, favorecendo un ambiente de apoio, comprensión e aprendizaxe mutua.
A concelleira de Benestar Social, Saúde e Familia, Elena Sierra, destacou que “estamos moi satisfeitos de poder poñer en marcha esta iniciativa, xa que sabemos que é moi necesaria. As persoas coidadoras soportan unha gran carga, tanto física como emocional, e estes espazos son fundamentais tamén para o seu autocuidado”.
Pola súa banda, o alcalde de Ribadeo, Daniel Vega, sinalou que “seguimos na liña de traballar polas persoas e polo seu benestar, promovendo accións que melloren a calidade de vida da nosa veciñanza”.
Dende o Concello anímase a todas as persoas interesadas a participar neste grupo, que pretende ser un punto de apoio e acompañamento para quen desempeña un papel esencial na sociedade como é o coidado de persoas dependentes.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
