O sindicato advirte de decisións “pouco transparentes” na xestión de persoal e pide explicacións sobre por que se denegou a prórroga á funcionaria que ocupaba o posto ata ese momento
Lugo, 1 de abril de 2026. A Central Sindical Independente e de Funcionarios (CSIF Lugo) denunciou posibles irregularidades na xestión de persoal da Deputación de Lugo que poderían ter facilitado a incorporación do fillo do alcalde de Lugo á institución provincial.
Segundo explica o sindicato, para que este funcionario puidese acceder á Deputación denegouse a prórroga solicitada por outra funcionaria con habilitación nacional que ocupaba un posto de secretaria-interventora. A petición fora presentada o 14 de agosto para continuar no posto a partir do 19 de novembro de 2025.
CSIF considera chamativo que, nesas mesmas datas, si se concedesen prórrogas a outros dous funcionarios que se atopaban na mesma situación administrativa. “Tres persoas en circunstancias similares”.
Tras a súa toma de posesión na Deputación o 20 de marzo de 2026, este funcionario foi destinado como secretario-interventor ao Concello de Burela mediante un decreto de presidencia.
O sindicato advirte de que este nomeamento se tería realizado ao amparo do artigo 55 do Real Decreto 128/2018, que permite realizar nomeamentos temporais de funcionarios con habilitación nacional en municipios de menos de 1.000 habitantes, polo que pide aclarar se o procedemento se axusta plenamente á normativa.
CSIF reclama á Deputación explicacións sobre as decisións adoptadas neste proceso e esixe que se garanta a transparencia e a igualdade de trato na xestión do persoal público. O sindicato tamén insta á administración a actuar coa mesma rapidez para resolver outros problemas laborais que seguen pendentes tanto na Deputación como noutras administracións da provincia.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
