Ribadeo, 1 de abril de 2026. Acisa e Concello de Ribadeo asinaron o convenio de colaboración anual que regula a axuda de 20.000 euros que recibe a asociación ribadense para seguir apoiando o consumo en clave local e para levar adiante diversas iniciativas e actividades, que contribúan á dinamización da economía ribadense.
A presidenta de Acisa Ribadeo, Carmen Cruzado, indicou que “grazas á firma deste convenio poderemos desenvolver diferentes accións de dinamización comercial e hostaleira e de promoción turística, tal y como vimos facendo desde hai anos. Concello e Acisa seguimos a traballar xuntos, algo que sen dúbida é bo para Ribadeo e para os nosos socios e socias. Son 20.000 euros os que recibiremos neste 2026”.
Cruzado Iglesias tivo palabras de agradecemento: “queremos agradecer a colaboración do Concello de Ribadeo con Acisa a través deste convenio e tamén con outras accións que organizamos ao longo do ano. A axuda das administracións é fundamental para a nosa asociación. Iso permítenos planificar moitas campañas ao longo de todo o ano, que contribúen á dinamización económica de Ribadeo”.
O alcalde, Dani Vega, sinalou que “Concello e Acisa firmamos un convenio de colaboración cunha achega por parte do Concello de 20.000 euros para que poidan realizar as súas actividades. É unha axuda directa, porque Acisa representa a unha grande parte dos comerciantes, hostaleiros, hoteleiros… é un dos sectores económicos máis importantes de Ribadeo. Esa partida de vinte mil euros é para impulsar e dinamizar a economía da vila”.
E subliñou que “é unha colaboración permanente e absoluta con Acisa, cunha lealdade moi importante. Estamos a traballar conxuntamente para impulsar moitas actividades, xa fixemos moitas e agora queda todo o verán por diante con accións moi importantes que dinamizarán a vila e a economía de Ribadeo ao longo dos vindeiros meses”.
O xerente de Acisa, Jesús Pérez, explicou que “o convenio anual céntrase na realización de actividades de dinamización comercial e hostaleira como concertos, sorteos, campañas promocionais e publicitarias e na compra de materiais para entregar gratuitamente ás socias e socios de Acisa, algo moi demandado por todos eles. E como novidade asume gastos de funcionamento, como o aluguer da nosa oficina, algo que é de moita axuda na xestión diaria do presuposto de Acisa”.
O convenio anual entre Concello de Ribadeo e Acisa foi asinado polo alcalde, Dani Vega, e pola presidenta do colectivo empresarial ribadense, Carmen Cruzado. Ao acto asistiron a concelleira de Turismo e Comercio, Marta Saiz, o xerente de Acisa, Jesús Pérez, e Silvia Martínez, técnica da Área de Promoción Económica do Concello ribadense.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
