En tempos, coas películas de vaqueiros triunfando nas pantallas, o da ‘pistola mais rápida do oeste’ ou outra formulación parella eran como apoios lingüísticos, pequenas frases feitas usadas en múltiples ocasións. Lembreino o outro dia despois de ter mexado xa abondas veces no mesmo sitio, e de aí o título.
Cerca de Ribadeo hai un lugar onde o mexar e binario. Non me refiro a unha cuestión de sexo (non sei como vai o tema no correspondente baño de mulleres), senón a que ou é unha mexada relampo ou é ás escuras.
A secuencia seria algo así: apertan as ganas de mexar e un decide ir os servizos. Alí entra nun espazo con capacidade declarada para unha persoa, pero amplo, e acéndese a luz de xeito automático. Se é a primeira vez que o usa, pecha a porta, dá unha ollada para comprobar que non hai urinario, ver a situación da taza, descubre coa mesma o lavabo e diríxese mexar. De pé. Se é rápido, moi rápido, dará feito antes de que se apague a luz. Se non, de pronto as tebras collerán por sorpresa a quen mexa. Son menos de dez segundos de disposición luminosa, cronómetro en man. Logo, un movemento abondo amplo pode volver recomezar o proceso pola nova activación do sensor correspondente. Segundo a sensibilidade do mexador, as ganas, a disposición ou a velocidade, os ciclos necesarios para completar a labor, peche de petrina e limpeza de mans incluídas, poden variar. Tamén, unha vez afeito, pode mexarse ás escuras, se ben as gotas (mesmo charcos) do chan que son visibles nos momentos de lucidez desaconsellan esa opción, sobre todo se hai unha desestabilización pola sorpresa do paso brusco á escuridade: os posibles efectos colaterais que poderiamos englobar dentro do termo ‘molladuras’ por algo que non é auga poden ser pequenos, pero non por iso menos desagradables.
Naturalmente, estamos no caso do que algúns chaman ‘augas menores’. No outro caso, dende a desaparición dos furados no chan como servizo, ou dos ‘servizos de pé’, a xente acostumamos sentarnos na taza correspondente e con máis ou menos tranquilidade ou présa, servirnos do lugar. É dicir, non hai moita posibilidade de apuntar mal por un despiste ou por un axuste de posición simpático (servido polo noso sistema simpático) polo cambio brusco de luz a escuridade. Claro que, a consecuencia do sistema mantido coas augas menores, unha limpeza previa da beira de apoio é algo de manual.
En fin, podería darse algún consello en caso de situación semellante, como o mover de xeito continuo o corpo ou os brazos con amplitude abonda como para manter activado o sensor. Pero esa necesidade, antes de coñecer o lugar, e despois de acenderse a luz de xeito flamante ó entrar, quen a prevé? Iso si, por aquelo de que ‘necesidade obriga’, o lugar é unha escola do bo mexar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
