O próximo día sete deste mes de maio, celebrarase no Concello de Lugo o Pleno da Moción de Censura. Unha moción presentada polo P.P. e unha tránsfuga do PSOE, co fin de desbancar ao actual goberno bipartito.
Unha primeira resposta popular a esta moción de censura foi o pasado 24 de abril, cando centos e centos de lucenses manifestaron con claridade a súa indignación.
Trátase dunha censura ao actual goberno que sendo legal, a considero, neste caso, ilexítima, inmoral e politicamente inconsistente.
É legal porque a Moción de Censura é un mecanismo previsto no artigo 197 da Lei Orgánica 5/1985 do 19 de xuño, do Réxime Electoral Xeral e que só esixe como requisitos fundamentais para a súa presentación a firma da maioría absoluta dos concelleiros e, de entre eles, un candidato a Alcalde. Neste eido, polo tanto, nada que reprochar.
Pero, pola contra, é unha moción ilexítima porque se sostén no voto dunha tránsfuga que decidiu, sen outras razóns máis aló das persoais, frustrar e traizoar a vontade popular manifestadas nas urnas pola cidadanía lucense, quebrantando deste modo o principio democrático de representación. En consecuencia, parece evidente que o novo goberno nacera cunha ilexitimidade de orixe flagrante.
Ademais, a súa presentación é tamén inmoral porque é o froito dunha traizón post mortem das ideas e a vontade dun compañeiro a quen a concelleira tránsfuga lle tocou sustituir. Estamos, xa que logo, diante dunha flagrante deslealdade e dunha traizón intolerable á memoria dun concelleiro difunto. Semella que xa nin os mortos se respectan.
Estamos, polo tanto, diante dunha violación de principios democráticos e de valores morais que deberían estar sempre por enriba das cuestións políticas partidistas.
E por último, politicamente resulta moi difícil de explicar. Primeiro porque só queda un ano para as eleccións e polo tanto, un tempo insuficiente para poder executar algún proxecto que mereza tal nome .
Pero, ademais, o Goberno censurado conta cuns orzamentos aprobados, para máis inri, co voto da tránsfuga, o que lles permitiría executar e xestionar con toda normalidade ao longo do ano as políticas acordadas.
Por todo o devandito e para concluir paréceme oportuno rematar con estas palabras do, todavía, Alcalde: “Tres mortos e unha tránsfuga son todos os avais que presenta o PP, con Elena Candia ao frente, para asaltar o Concello de Lugo.”
Desta maneira tan indigna é como se vai contribuir un pouco máis á degradación democrática e normalizar a desvergoña. Unha mágoa.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
