Ribadeo, 13 de abril, 2026. Ribadeo dedicará o ano 2026 á figura de Leopoldo Calvo Sotelo, coincidindo co centenario do nacemento de quen fora presidente do Goberno. Os primeiros actos terán lugar mañá, 14 de abril. Haberá unha ofrenda floral, un pleno extraordinario e tamén un acto litúrxico.
O alcalde, Dani Vega, contou que “este ano 2026 celebramos o centenario do nacemento de Leopoldo Calvo Sotelo e desde o Concello queremos dedicarlle este ano, baixo a reflexión, o debate e tamén o recordo da súa pegada. Pai da democracia, peza fundamental na transición, aperturista ante as novas realidades naquel entón da economía de Europa, entramos na OTAN, e defensor das autonomías, dado que o 18 de maio de 1981 tamén firmou o Estatuto de Galicia, un presidente galego firmou o Estatuto Galego”.
O rexedor considera que “o Concello de Ribadeo non pode esquecer a unha persoa que foi un gran presidente en pouco tempo, pero un gran presidente para España e evidentemente unha persoa que foi un alcalde, sen ser elixido, sen presentarse a esas eleccións, pero un alcalde onde contribuíu á maior inversión, á maior industria que ten Ribadeo, que é a Ponte dos Santos, o abastecemento de auga, a Avenida de Galicia, é dicir en infraestruturas tamén foi importante, en materia de turismo As Catedrais, en definitiva, foi un gran colaborador porque así el sempre o dixo, que tiña unha devoción por Ribadeo”.
Vega subliñou que “este ano vamos dedicarllo, non soamente a recordar a figura, senón a debater e reflexionar sobre ese político que tivo España, que estivo pouco tempo na presidencia do goberno, pero si que tivo unha pegada importante”.
Mañá pola tarde haberá varios actos en Ribadeo: “o pleno extraordinario o que quere é declarar o ano Leopoldo Calvo Sotelo. Empezaremos os actos cunha ofrenda floral ás 18 horas no cemiterio municipal, celebraremos o pleno ás 19 horas onde vai ter quenda de palabra Begoña Sanjurjo, concelleira de Cultura, Educación e Igualdade, que nos vai explicar todos os eventos, todos os actos que se van a organizar durante todo este ano. Por parte da familia intervirá Juan Calvo Sotelo, tamén tomará a palabra Antonio Martínez, que foi alcalde de Ribadeo, un gran alcalde que tivo a oportunidade de xestionar moitos dos recursos que acabo de explicar. Él achegaranos a todo o que se fixo nesa época, que foi moito e ben. E por primeira vez na historia acudirá un presidente do Parlamento de Galicia, Miguel Ángel Santalices, será a primeira vez na historia que vai co presidir un pleno en Ribadeo e creo que é importante que a máxima institución de Galicia teña presenza neste acto, como dicía hai uns instantes, dado que o presidente Calvo Sotelo firmou o 18 do 5 de 1981 o Estatuto vixente, o Estatuto de Galicia”, seguiu a relatar.
O alcalde, Dani Vega, dixo que “estes actos o que queren é recordar, queren reflexionar e debater sobre unha figura importantísima. Remataremos a xornada de mañá cunha cerimonia litúrxica, a celebración da misa ás oito da tarde, na que tamén vai participar a Coral Polifónica de Ribadeo”.
E engadiu: “creo que son actos para poñer en valor un presidente que era de Ribadeo, un presidente do Goberno que levou sempre a Ribadeo, tiña devoción polo noso pobo, e eu creo que a frase que está no Salón de Plenos é clara e explica moi ben o que queremos facer: Que honra ao seu pobo debe ser honrado”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
