Muras, 29 de maio, 2026. Na tarde de hoxe o BNG celebrou en Muras unha xornada de traballo e análise sobre a enerxía eólica e sobre as posibilidades de garantir que esta xere un beneficio social real para a veciñanza.
Unha primeira mesa centrada no modelo enerxético
A primeira mesa de análise contou coa participación de Xosé Manuel Golpe, consultor enerxético na Oficina de Transformación Enerxética da Deputación da Coruña, experto no mercado eléctrico e pioneiro no desenvolvemento de comunidades enerxéticas. Xunto a el interviñeron Queico da Silva e Fernando Branco Parga, membros do colectivo Bidán e autores de diversas publicacións sobre o sector eléctrico, que viaxan por todo o Estado coñecendo modelos alternativos de xestión enerxética.
A segunda mesa: visión institucional e experiencia municipal
A segunda mesa estivo integrada por Olalla Rodil e Daniel Castro, deputad@s no Parlamento de Galiza, acompañados polo alcalde de Muras, Manuel Requeixo. Participaron tamén as concelleiras Paula Gómez e Azucena Camba.
O Xistral: moitos beneficios empresariais, pouco retorno social
Na Serra do Xistral —que abrangue montes dos concellos de Abadín, Alfoz, Cervo, Mondoñedo, O Valadouro, Ourol, Viveiro, Xove, Muras, Vilalba, Xermade e As Pontes— existen máis de 1.300 aeroxeradores en funcionamento nunha superficie de 229 km². Estes parques xeran elevados beneficios para as empresas eléctricas, moi afastados do escaso retorno social que reciben os concellos e a súa veciñanza. A única excepción salientable é Muras, gobernado polo BNG, que leva anos impulsando políticas pioneiras neste ámbito.
PP e BNG: dúas visións opostas sobre a riqueza eólica
Durante a xornada contrapúxose a postura dun PP que actúa en favor dos intereses das eléctricas coa do BNG, que defende que a riqueza xerada polo vento debe beneficiar á xente. O exemplo máis claro é o concello de Muras, o municipio con máis muíños eólicos de Galiza, onde o goberno nacionalista puxo en marcha medidas pioneiras para abaratar a factura da luz e vén de acadar un acordo salientable con Iberdrola.
Segundo explicaron os participantes, este acordo supón “un cambio de paradigma que demostra que unha negociación firme coas eléctricas consegue moito máis que a submisión que practica o Partido Popular”. Engadiron tamén que “un concello do BNG foi capaz de facer o que Rueda é incapaz: negociar cara a cara cunha multinacional para lograr un reparto máis xusto da riqueza eólica”.
O Modelo Muras debe ser tamén o Modelo Xistral
As intervencións das dúas mesas coincidiron na necesidade de exportar o Modelo Muras ao conxunto dos concellos do Xistral. Reclamouse que todas as forzas políticas incorporen esta visión aos seus programas para as eleccións municipais de 2027 e a leven á práctica cando accedan aos gobernos locais.
Só así —defenderon— se poderá garantir que os beneficios do vento revertan realmente nos concellos e na veciñanza, negociando con firmeza e en pé de igualdade coas eléctricas.
As propostas do BNG para un reparto xusto da riqueza eólica
O BNG puxo enriba da mesa tres liñas de actuación fundamentais:
1. Que as eléctricas paguen impostos en función da potencia instalada, independentemente de se esta se distribúe en 20 muíños ou en só dous.
2. Promover a participación pública e comunitaria na xestión e aproveitamento dos recursos eólicos, especialmente no relativo ao impacto local.
3. Ampliar os posibles destinos de investimento do canon eólico, permitindo que os concellos poidan destinar estes fondos tamén á creación de emprego, ao mantemento de servizos básicos ou á dinamización do rural.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
