Burela, 29 de maio, 2026. O luns 25 de maio presentouse no salón de plenos do Concello de Burela o número 93 da Revista Galega de Educación, un monográfico dedicado á radio como ferramenta pedagóxica e como medio con grande potencial transformador no proceso de aprendizaxe.
No acto participaron Rita Gradaílle Pernas, profesora titular da USC, e Bernardo Penabade Rei, dinamizador sociocultural e profesor de lingua galega. En representación do IES Perdouro asistiron Miruca Parga, coordinadora da radio escolar; Karina Parga, directora técnica; e o profesorado María García Jartín e Javier Mogo Torrado, do departamento de Administrativo.
Foron os propios estudantes quen conduciron a presentación entrevistando aos dous convidados. Participaron Adela Castiñeira, Lucía López e Carla L. Martins (Ciclo Superior de Administrativo) e Sara Villarquide e Hugo Fernández (4º ESO).
A radio como ferramenta educativa
Rita Gradaílle destacou o valor da radio como recurso didáctico e puxo en relevancia as experiencias de centros educativos galegos recollidas neste número da revista. Subliñou tamén a importancia da lectura para mellorar a expresión oral, a redacción e o enriquecemento do vocabulario.
Pola súa banda, Bernardo Penabade incidiu en que a radio non só mellora a competencia lingüística, senón que tamén fomenta a responsabilidade e a madurez do alumnado. Lembrou, ademais, as dificultades que adoitan atopar os proxectos educativos cando pasan da teoría á práctica.
A conclusión compartida polos docentes foi clara: a radio escolar ofrece resultados moi satisfactorios e pode influír decisivamente no futuro académico e profesional do alumnado.
Un proxecto conectado coa comunidade
Miruca Parga, presentadora do acto, salientou a importancia de que a radio escolar manteña unha relación fluída coa sociedade. Neste sentido, destacou a colaboración entre o IES Perdouro e o Concello de Burela, representado polo tenente da alcaldesa, Mario Pillado.
Proxecto Neo: 15 anos de radio escolar
A Revista Galega de Educación dedica un espazo destacado á traxectoria de Proxecto Neo, o programa de radio do IES Perdouro creado en 2012 para poñer en valor os neofalantes. O proxecto naceu en Radio Burela, emisora municipal desaparecida hai tres anos.
Na actualidade, o estudo de gravación está situado no propio instituto. O equipo está formado por nove docentes e máis de sesenta estudantes que participan de maneira habitual, ademais doutros colaboradores puntuais. As reportaxes gráficas están a cargo da fotógrafa Lucía Rivas.
Un grupo duns doce locutores habituais acode voluntariamente cada mércores, de 17:00 a 18:00 h, para gravar os guións e realizar entrevistas presenciais ou telefónicas. As seccións fixas do programa, en formato podcast, adoitan gravarse en horario de mañá.
Ademais, unha vez ao mes emítese un espazo dedicado á saúde en colaboración coa Estratexia de Promoción da Saúde e Prevención do Concello de Burela.
A cita, sábado e domingo, contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectarase o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Terá lugar este venres 29 de maio ás 17:30 horas no Local Social da rúa Enrique Guzmán. A primeira mesa, dedicada aos diferentes modelos de obter beneficio, contará con Fernando Branco Parga e Quico da Silva do Colectivo Bidán, e co deputado Xosé Manuel Golpe, baixo a moderación da concelleira Paula Gómez. A segunda mesa abordará os beneficios para a veciñanza no desenvolvemento da enerxía eólica en Muras, con intervencións da deputada Olalla Rodil, do deputado Daniel Castro e do alcalde Manuel Requeixo, moderados pola concelleira Azucena Camba.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
A xornada incluirá exhibicións de patinaxe artística e ximnasia rítmica, así como a entrega de diplomas e dun agasallo para todos os nenos e nenas das distintas disciplinas das escolas: voleibol, balonmán, multideporte, ximnasia rítmica e patinaxe artística. Será unha tarde especial para recoñecer o esforzo, a ilusión e o compañeirismo amosados ao longo de todo o curso.
