Ribadeo, 13 de maio, 2026. A historia de Ribadeo volverá camiñar polas súas rúas este domingo 17 de maio da man de “Guía tu día”, o proxecto de visitas guiadas impulsado por Ana Pena, especializada en experiencias culturais na Mariña.
Baixo o título “Ribadeo indiano e comerciante”, a proposta invita a veciños e visitantes a mergullarse no pasado da vila a través dun percorrido centrado na pegada dos indianos e dos comerciantes que transformaron Ribadeo coas súas historias de emigración, os negocios de ultramar e unha arquitectura que aínda hoxe fala da conexión entre América e a Mariña.
Durante aproximadamente dúas horas, as persoas asistentes descubrirán casas con memoria, personaxes singulares e relatos de ida e volta entre Ribadeo e América, nun paseo pensado para gozar do patrimonio dunha forma próxima, dinámica e divulgativa.
A actividade busca tamén poñer en valor a identidade histórica dunha das vilas con máis personalidade da costa galega, ofrecendo unha mirada diferente sobre espazos polos que moitas veces pasamos sen reparar no que agochan.
A saída será ás 11:00 horas desde a Praza de España. A ruta ten dificultade baixa, é pet friendly e o prezo é de 12 euros por persoa. As reservas poden realizarse no teléfono 654 99 68 57.
Con iniciativas coma esta, “Guía tu día” continúa apostando por un turismo cultural sostible, humano e conectado co territorio, creando experiencias que combinan historia, curiosidades e emoción para descubrir a Mariña Lucense dunha maneira distinta.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
