Foz, 14 de maio de 2026. A Romaría do Bispo Santo celebrarase esta fin de semana en Mourente, no municipio de Foz, mantendo viva unha tradición popular que suma entre 300 e máis de 380 anos de historia, segundo lembraron hoxe as institucións colaboradoras. Tanto a Xunta de Galicia como a Deputación de Lugo participan no apoio ao evento, organizado pola Asociación Cívico-Cultural Bispo Santo.
O delegado territorial da Xunta en Lugo, Javier Arias, destacou “a vixencia dunha tradición que se transmite de xeración en xeración e segue a ser un dos eventos máis populares da Mariña”. Pola súa banda, a deputada de Cultura, Iria Castro, puxo en valor “o traballo da Asociación Cívico Cultural Bispo Santo para dar continuidade a unha celebración secular que expresa o sentimento de comunidade e de pertenza da veciñanza de Foz”, así como o papel do tecido asociativo na preservación da identidade cultural.
A romaría lembra a figura do bispo Gonzalo (s. XI), a quen a lenda atribúe a defensa de Britonia fronte ás invasións normandas. Segundo o mito, desde o monte da Grela —onde se refuxiou con poboadores da zona— provocou unha tormenta de vento e ondas que fixo naufragar as embarcacións inimigas fronte á costa de Foz.
Os actos previos comezaron o pasado día 10 co pregón do director de Turismo de Galicia, Xosé Merelles, e o traslado da imaxe de San Gonzalo desde a basílica de San Martiño de Mondoñedo ata a ermida situada no monte da Grela. Alí se concentran tamén as casetas e a zona de merendeiros onde familias e grupos de amigos desfrutarán da festa durante toda a fin de semana.
A programación inclúe propostas para todos os públicos. No apartado musical, o venres actuarán as orquestras Show e Origen; o sábado será a quenda de Grupo Sensación e Panorama City; e o domingo pecharán Los Satélites e Festicultores. A Deputación achega ademais un espectáculo infantil de Pulpiño Viascón e música tradicional con Dambara, reforzando o carácter popular e familiar da celebración.
A romaría culminará o domingo 24 co regreso da imaxe de San Gonzalo á basílica de San Martiño de Mondoñedo e coa misa final, poñendo o broche a unha das citas máis emblemáticas da cultura mariñá.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
