Ribadeo, 26 de maio de 2026. Ribadeo ten abertos os procesos de selección de socorristas, sanitarios e persoal de limpeza para as praias do municipio. Neste momento son tres os procesos selectivos en marcha, que se atopan en prazo de presentación de instancias. As bases poden consultarse na sede electrónica do Concello.
Desde o equipo de goberno explican que “agora mesmo son necesarios 12 socorristas. Sobre unha plantilla formada por 15 socorristas e 1 xefe, contamos con 3 socorristas e o xefe a día de hoxe. En canto a sanitarios, é necesaria a contratación de dous traballadores, xa que sobre unha plantilla de 3 sanitarios temos un na actualidade. E para a limpeza de praias fan falta dous traballadores. Dos 4 necesarios temos 2 agora mesmo”.
O prazo de presentación de instancias finaliza o 2 de xuño para os sanitarios e limpeza de praias e o 4 de xuño para os socorristas. A tempada de praias comezará o 17 de xuño e os traballadores terán un contrato de 3 meses, gozando das súas vacacións nos últimos días de contrato.
E indican que “os servizos están deseñados para dar servizo a todas as praias ribadenses: Os Bloques, O Cargadeiro, Rochas Brancas, Os Castros, As Illas, Esteiro e As Catedrais, pero lamentablemente a falta de socorristas nos últimos anos so posibilitou dispoñer deste servizo en As Catedrais, As Illas e Os Castros, mesmo reducindo o horario a 7 horas sobre as 8 desexadas”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
