Cervo, 11 de xuño do 2026. O Concello de Cervo quere poñer en valor a participación do alumnado cervense do IES Monte Castelo nun intercambio educativo do programa Erasmus+, unha experiencia internacional que está a permitir aos estudantes ampliar a súa formación académica, cultural e persoal a través da convivencia con alumnado doutros países europeos.
Os estudantes Martín, Alexia, Yaiza, Sabela e Erín, todos eles alumnos e alumnas de 2º de Bacharelato, atópanse estes días en Oradea en Transilvania (Romanía) participando nun intercambio enmarcado no proxecto Erasmus+ co que colabora o Concello de Cervo. Durante a súa estancia tiveron ocasión de visitar diferentes puntos de interese, entre eles a coñecida Salina de Turda, onde foi tomada unha das imaxes da actividade.
O programa céntrase na adquisición de competencias fundamentais para a formación integral da mocidade, entre as que destacan a cidadanía activa e os valores democráticos, a sostibilidade medioambiental e cultural, a mellora das competencias lingüísticas e o desenvolvemento das habilidades sociais. Estes aspectos constitúen piares esenciais do proxecto e contribúen a preparar aos participantes para afrontar os retos dunha sociedade cada vez máis global e diversa.
Ademais da súa estancia en Romanía, os participantes tamén realizaron unha visita a Budapest e teñen previsto desprazarse esta fin de semana a Roma, completando así unha enriquecedora experiencia europea que lles permite coñecer outras realidades culturais, fortalecer a súa autonomía persoal e crear vínculos con estudantes doutros países.
Desde o Concello de Cervo destacan a importancia deste tipo de iniciativas, que contribúen a formar unha cidadanía máis aberta, participativa e comprometida cos valores europeos. Os intercambios internacionais favorecen a aprendizaxe de idiomas, a adquisición de novas competencias e o crecemento persoal dos mozos e mozas, ao tempo que reforzan a dimensión europea da educación e fomentan o respecto pola diversidade cultural.
A alcaldesa de Cervo, Dolores García Caramés, felicitou ao alumnado pola súa participación neste proxecto e animounos a aproveitar ao máximo esta oportunidade. “Experiencias como esta permiten medrar tanto no ámbito académico como no persoal. Anímovos a desfrutar desta aventura, a aprender doutras culturas, a compartir coñecementos e a representar con orgullo ao noso municipio. Son vivencias que deixan pegada para toda a vida e que contribúen a formar cidadáns máis preparados, responsables e comprometidos”, sinalou.
O Concello de Cervo reitera o seu apoio ás iniciativas educativas e de mobilidade internacional que contribúen á formación da mocidade cervense e á promoción dos valores de cooperación, convivencia, inclusión e cidadanía europea. Estes programas representan unha excelente oportunidade para que os mozos e mozas amplíen horizontes, adquiran novas ferramentas para o seu futuro e actúen como embaixadores do municipio máis aló das nosas fronteiras.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
