A convocatoria, que se convoca conxuntamente cos Premios á Cooperación, cuxa resolución se publicará proximamente, ten como obxectivo fomentar entre a comunidade educativa valores como a colaboración e o emprendemento colectivo
Santiago de Compostela, 4 de xuño de 2026. Un total de sete centros educativos galegos foron recoñecidos nos premios Cooperativismo no ensino 2026, unha iniciativa da Consellería de Emprego, Comercio e Emigración destinada a promover entre o alumnado os valores e principios do cooperativismo e da economía social. A resolución do certame publícaa hoxe o Diario Oficial de Galicia (DOG).
Os centros premiados, situados nos concellos de Moaña, Barreiros, Fene, Sanxenxo, Vigo e A Coruña, recibirán galardóns nas distintas modalidades do concurso, que abrangue desde a educación infantil e primaria ata a formación profesional e as ensinanzas de réxime especial.
Esta convocatoria, que se convoca conxuntamente cos Premios á Cooperación — que recoñecen o labor, traxectoria e compromiso das cooperativas galegas e cuxa resolución se publicará proximamente—, ten como obxectivo fomentar entre a comunidade educativa valores como a colaboración, a participación, a solidariedade, a responsabilidade compartida e o emprendemento colectivo.
O concurso inclúe diferentes modalidades dirixidas ao alumnado de Educación Infantil, Primaria, Secundaria Obrigatoria e Educación Especial, así como aos estudantes de FP e de Ensinanzas de Réxime Especial. Os premios están dotados con contías que oscilan entre os 1.500 e os 4.500 euros, segundo a modalidade.
Actividades artísticas e cooperativizadas
Na modalidade de actividades artísticas, os premios das distintas categorías recaeron no CEIP Plurilingüe Domaio, de Moaña (Pontevedra). O centro resultou gañador no segundo ciclo de Educación Infantil co traballo O pobo maia. Pingas de cooperación; en primeiro e segundo de Educación Primaria con Aprendemos de Xapón. Exemplo de cooperación; en terceiro e cuarto de Primaria con Cooperación. Pequenas accións que moven o mundo; e en quinto e sexto de Primaria grazas ao proxecto NeuroRoma: conexións cooperativas.
Os áccesits recaeron en tres centros educativos. O CEIP San Miguel Reinante, de Barreiros (Lugo), obtivo este recoñecemento nas categorías de segundo ciclo de Educación Infantil, con A comunidade do xeo, e de primeiro e segundo de Primaria, con O barrio cooperativo. Pola súa banda, o CEIP Plurilingüe Os Casais, de Fene (A Coruña), foi distinguido en terceiro e cuarto de Primaria polo traballo Cooperando por un patio feliz, mentres que o CPR Plurilingüe Abrente de Sanxenxo (Pontevedra) – Adigna S. Coop. Galega recibiu o áccesit correspondente á categoría de quinto e sexto de Primaria por Sementando novas voces.
Na modalidade de actividades cooperativizadas, dirixida ao alumnado de Educación Secundaria Obrigatoria e Educación Especial, o proxecto gañador foi Creamos xogos na carpintería, presentado polo CEIP Plurilingüe Santa Mariña, de Vigo.
Tanto na modalidade de actividades artísticas como na de actividades cooperativizadas, os centros deberán empregar o importe dos premios para a adquisición de material didáctico, audiovisual, informático ou deportivo, ou ben para o desenvolvemento de actividades formativas, culturais ou deportivas dirixidas ao seu alumnado.
Proxectos empresariais cooperativos
Por último, na categoría de proxectos empresariais cooperativos, destinada ao alumnado de FP e de Ensinanzas de Réxime Especial, o premio ao mellor proxecto recaeu en Biocaba, promovido polo alumnado do CPR Nebrija Torre de Hércules da Coruña. O áccesit foi para Refuxo, iniciativa do alumnado do CIFP Someso, tamén da Coruña.
Ambas propostas poderán incorporarse aos programas de emprendemento na economía social e mentorización que impulsa a Consellería de Emprego, Comercio e Emigración a través da Rede Eusumo e da Rede de polos de emprendemento e apoio ao emprego.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
