A alcaldesa, Dolores García Caramés, presentou a iniciativa ao alumnado do IES Marqués de Sargadelos
Cervo, 2 de xuño do 2026. O Concello de Cervo vén de convocar unha nova edición do programa Voluntariado Miúdo VI, unha iniciativa dirixida á mocidade de entre 12 e 15 anos coa que se pretende fomentar a participación activa dos máis novos na vida social, cultural e comunitaria do municipio.
A alcaldesa, Dolores García Caramés, achegouse ao IES Marqués de Sargadelos para explicarlle ao alumnado en primeira persoa os detalles desta proposta, animándoos a formar parte dunha experiencia que promove valores como a solidariedade, a responsabilidade e o compromiso coa contorna.
As persoas participantes poderán colaborar ao longo do verán en diferentes actividades organizadas polo Concello, entre as que destacan o apoio ao programa Cervo Concilia, a participación nas Noites Alternativas de Verán e a colaboración noutras actividades de carácter social, cultural e lúdico que se desenvolvan no municipio.
Precisamente, a rexedora destacou que este programa supón unha oportunidade para que moitos dos rapaces e rapazas que durante anos participaron como usuarios e usuarias no Cervo Concilia poidan seguir formando parte desta iniciativa agora desde outro papel. Deste xeito, os mozos e mozas teñen a oportunidade de colaborar co programa no que medraron, adquirindo novas responsabilidades e converténdose nun apoio para os máis pequenos, ao tempo que reforzan valores como a cooperación, a solidariedade e o compromiso coa comunidade.
A través desta iniciativa, o Concello busca ofrecer á mocidade un espazo de aprendizaxe, convivencia e participación activa, ao tempo que contribúe ao desenvolvemento de experiencias enriquecedoras que favorezan o seu crecemento persoal e social.
As persoas interesadas poden solicitar máis información e formalizar a súa inscrición na Casa da Cultura.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
