Viveiro, 5 de xuño, 2026. No día de onte celebrouse no Concello de Viveiro a primeira reunión participativa do proceso de avaliación da Estratexia de Desenvolvemento Local Participativo do Grupo de Acción Local do Sector Pesqueiro A Mariña Ortegal.
O principal obxectivo desta reunión foi presentar o avance dos resultados da execución do programa, ao tempo que se desenvolveu unha dinámica de traballo para escoitar de primeira man as valoracións realizadas por diferentes persoas e entidades do territorio.
O evento, presentado polo presidente do GALP, Javier Martínez Otero, e polo tenente de alcalde de Viveiro e vicepresidente do Grupo, Martín Vale, contou coa participación de máis de 30 entidades e promotores da zona costeira da Mariña e Ortegal. A valoración foi moi positiva, destacando a aprendizaxe que supón facer partícipe a toda a comunidade na análise do traballo desenvolvido polo GALP.
Dos seis millóns de euros cos que conta o programa de axudas neste territorio, a 31 de decembro de 2025 executáranse 2.351.526,52 euros, distribuídos en 47 proxectos financiados. Esta axuda resultou decisiva para moitos promotores, que indicaron que, de non dispoñer dela, terían atopado serias dificultades para acometer os seus proxectos ou mesmo non os terían levado a cabo.
En canto á distribución do crédito, máis de 1,1 millóns de euros destináronse a entidades sociais —principalmente confrarías—, arredor de 700.000 euros a concellos, e máis de medio millón de euros a promotores de iniciativas empresariais, xerando máis de trece empregos.
O ritmo de execución foi en aumento ata a data de peche da avaliación. Ademais, neste ano 2026 rexistrouse unha forte demanda de axudas ao abeiro do programa. Na convocatoria deste ano presentáronse 27 proxectos, cun impacto económico superior aos 4,3 millóns de euros, considerando o importe subvencionable. En termos de axuda solicitada, demandouse un apoio superior aos 2,1 millóns de euros, o que evidencia o importante impulso que está a supoñer o programa para apoiar iniciativas na zona costeira.
O proceso participativo continúa aberto, podendo realizarse unha valoración do traballo desenvolvido a través dun formulario dispoñible nas redes sociais do grupo. Ademais, celebrarase un Foro de Participación no que se presentarán os resultados finais da avaliación.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
