Os populares lamentan que as sucesivas reparacións pola “mala planificación” do goberno local danan gravemente a imaxe turística da vila, polo que esixen unha solución definitiva para evitar “estar constantemente en obras”
Vilalba, 16 de xuño de 2026. O PP de Vilalba denunciou que os novos traballos de reparación e arranxo na rúa da Pravia, un corte que volve poñer en xaque a mobilidade na vila, supoñen un novo golpe para o tecido comercial local por mor da “mala execución dun proxecto que naceu torcido dende o principio”.
Dende o PP vilalbés lembran que esta obra foi froito “do capricho socialista”, priorizando a improvisación antes que a planificación técnica e o benestar dos veciños.
“O resultado está á vista de todos: un goteo constante de parches, valados e cortes na rúa que dificultan o día a día do comercio, dos peóns e do tráfico rodado”, denunciaron.
Os populares sinalan que o verdadeiro prexuízo é o “custo que asumen os vilalbeses”. “Non se trata dun problema illado, senón dunha chapuza cronificada. Ou se lle dá unha solución definitiva, o cal é moi complicado pola nefasta execución inicial, ou os veciños e comerciantes imos ter que soportar estes parches ano si e ano tamén”, alertaron.
Dende o PP de Vilalba insisten en que estas continuas obras na rúa da Pravia deterioran gravemente a imaxe de Vilalba ao provocar un dano ao comercio local por mor das restricións e a incomodidade na mobilidade; danan a imaxe turística e provocan unha parálise que afecta a rutina diaria dos vilalbeses.
Os populares esixen ao goberno local que asuma responsabilidades e que busque alternativas técnicas para acadar unha solución definitiva. “Vilalba non pode converterse nunha obra perpetua nin os nosos comerciantes poden seguir pagando as consecuencias das présas e a soberbia dun goberno que prefire o parche permanente antes que a xestión eficiente”, sinalaron.
Ademais, dende o PP de Vilalba alertan de que cando remate o período de garantía e dada a mala planificación da obra, “seremos os vilalbeses os que comecemos a pagar con fondos propios o custe de todos os amaños e parches” dunha obra que se realizou “co único fin de cumprir o capricho socialista e non unha obra que non solicitaron os vilalbeses”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
