O Concello pon en marcha o 18 de xullo unha programación pensada para gozar do verán en familia, que continuará durante os meses de xullo e agosto con novas festas, xornadas de kaiak e un parque acuático
Burela, 16 de xullo. Burela dará este sábado, 18 de xullo, o pistoletazo de saída ao programa “Verán Acuático” cunha festa na Praia Urbana, unha proposta do Concello destinada a ofrecer alternativas de lecer para todas as idades e a converter os espazos públicos da vila en puntos de encontro durante os meses estivais.
A actividade permitirá que nenos, nenas e familias gocen dunha xornada marcada pola diversión e polos xogos relacionados coa auga, nun dos principais espazos de lecer do municipio durante o verán.
Desde o Concello de Burela anímase á veciñanza e ás persoas que visiten a vila a achegarse á Praia Urbana e participar nesta primeira cita dunha programación que combina actividade física, convivencia e goce dos espazos exteriores.
A deste sábado será a primeira das dúas festas acuáticas previstas dentro do programa, que terá unha segunda xornada o 8 de agosto, tamén na Praia Urbana. A programación completarase con actividades de kaiak os días 12 e 26 de xullo e 16 e 23 de agosto, así como cun parque acuático do 25 ao 28 de agosto na praza do Concello e na praza da Mariña.
O goberno local destaca que “Verán Acuático” nace coa vontade de dinamizar Burela durante os meses de verán e ofrecer propostas atractivas, accesibles e pensadas para compartir en familia e entre amigos.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
