Lugo, 20 de xullo, 2026. A Praia da Rapadoira é a protagonista do cupón da ONCE do mércores 22 de xullo, dentro da serie Playas con bandera. Cinco millóns de cupons difundirán por toda España a imaxe desta emblemática praia de Foz. Situada no núcleo urbano, conta cunha lonxitude de 270 metros e destaca polas súas augas tranquilas, que a converten nun lugar ideal para o desfrute das familias. Ademais, está adaptada para persoas con mobilidade reducida, permitindo o acceso á súa beira para gozar do Cantábrico. A Rapadoira dispón do distintivo de Bandeira Azul e dun agradable paseo marítimo.
Coa serie Playas con bandera, a ONCE pretende dar a coñecer as dúas praias de cada provincia que recibiron con maior frecuencia a Bandeira Azul nos últimos anos, ao tempo que busca concienciar sobre a importancia de conservar estes espazos naturais dedicados ao ocio. A serie comezou en 2025 e continuará nos veráns dos próximos anos.
A Bandeira Azul é un distintivo que a Asociación de Educación Ambiental e do Consumidor (ADEAC) concede anualmente ás praias que destacan pola calidade das súas augas, o nivel dos seus servizos e a seguridade dos bañistas. ADEAC, fundada en 1984, é a rama española da Foundation for Environmental Education e responsable en España de programas como Bandeira Azul, Ecoescuelas, Jóvenes Reporteros para el Medio Ambiente e Llave Verde.
O Cupón Diario da ONCE ofrece un premio de 500.000 euros ao número máis a serie, ademais de múltiples premios adicionais en función das cifras coincidentes. Os cupons comercialízanse a través dos máis de 21.300 vendedores e vendedoras da organización, así como na web www.juegosonce.es e en establecementos colaboradores autorizados.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
