Trabada, 4 de xullo de 2026. Os deputados do Grupo Provincial Popular denunciaron publicamente a “renuncia definitiva” de PSOE e BNG a poñer en marcha os centros de día provinciais, denuncia realizada tras ter coñecemento dun decreto de aprobación dun contrato menor para a residencia de Trabada, que supón “a eliminación do espazo reservado para o centro de día”.
O voceiro provincial popular, Antonio Ameijide, explicou que este decreto desvela unha realidade que o goberno de Carmela López intentaba camuflar. “Estamos ante a constatación dun engano. PSOE e BNG veñen de aprobar un gasto de 47.764,29€ para ‘obras de reforma para a adaptación dos espazos cesados do Centro de Día ao CAM de Trabada’, ou o que é o mesmo, renunciar por completo ao centro de día para destinar ese espazo a outros usos, privando aos veciños de Trabada dun servizo esencial que se lles prometera”, denunciou.
Antonio Ameijide detallou que estas obras contan cun prazo de execución de catro meses e confirman que o goberno provincial é “incapaz” de xestionar o modelo que tanto anunciaron. O proxecto inicial contemplaba que estes centros albergaran de forma conxunta as prazas residenciais e un servizo de día para os maiores do municipio que non precisaran internamento, permitíndolles seguir vivindo nos seus fogares.
“O que fan agora en Trabada é o primeiro exemplo dunha cadea de fracasos. En lugar de dotar de persoal e poñer en marcha os centros de día, deciden destruír o espazo físico destinándoo a outra cousa para tapar a súa nefasta xestión”, criticou.
Os deputados populares esixen a PSOE e BNG explicacións inmediatas sobre esta renuncia ao centro de día de Trabada e que expliquen se van estender esta decisión ao resto de residencias da rede provincial. “Non imos permitir que se sigan recortando servizos mentres Carmela López mira para outro lado”, concluíu.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
