A Mariña, 6 de xullo de 2026. A antiga escola de San Cosme de Barreiros acolle desde hoxe e ata o vindeiro xoves, 9 de xullo, o curso de verán Emprender no sector turístico na Mariña Lucense, organizado pola Mancomunidade de Concellos da Mariña Lucense e a Universidade da Coruña (UDC). A formación, dirixida tanto a público en xeral como profesional, ten como principal obxectivo achegar coñecemento, habilidades e competencias profesionais interesantes de cara ao emprendemento, pensando especialmente no territorio da Mariña.
A inauguración deste curso de verán tivo lugar a primeira hora da tarde da man de Ana Ermida, alcaldesa de Barreiros e vicepresidenta da Mancomunidade; Rocío López, alcaldesa de Lourenzá e presidenta da Mancomunidade; e Antonio García, profesor da Facultade de Economía e Empresa da UDC e director do curso. A continuación desenvolvéronse as primeiras participacións da xornada de hoxe, baixo o título Modelo de negocio, estratexia e posicionamento competitivo, a cargo de Paloma Vázquez Fernández, xefa da Área Provincial de Turismo da Xunta de Galicia en Lugo; e Verónica Ramallal Trevín, CEO da axencia de marketing dixital Pekecha.
Turismo e formación
Nos catro días que se prolonga este curso de verán as persoas participantes traballarán, a través de obradoiros e diferentes dinámicas con profesionais do sector, en temas tan interesantes como a análise de competencia, o modelo de negocio, o descubrimento de clientes, a avaliación financeira, a estratexia e o posicionamento competitivo, o lanzamento de produtos, a dixitalización e o comercio electrónico ou a fiscalidade do emprendemento.
O curso celebra este ano a súa primeira edición, en palabras de Rocío López “desde a Mancomunidade e a Universidade da Coruña entendemos que A Mariña está a vivir un momento moi positivo desde o punto de vista turístico. Nos últimos anos o destino foi gañando notoriedade, aumentou o número de visitantes e cada vez hai máis persoas interesadas en desenvolver proxectos vinculados ao turismo. Pero ese crecemento tamén require planificación e profesionalización”.
Nesta liña, explicou que o curso nace desa necesidade de impulsar accións para que as persoas que decidan emprender “o fagan coas maiores garantías posibles, contando cos coñecementos, as ferramentas e a información necesarias para construír proxectos sólidos, viables e adaptados á realidade do territorio”.
Tal como indicou a presidenta da Mancomunidade “emprender en turismo vai moito máis alá de ter unha boa idea. É necesario coñecer o mercado, entender quen son os clientes, analizar a competencia, definir un modelo de negocio, saber como comercializar un produto, coñecer a normativa ou incorporar aspectos como a dixitalización e a sostibilidade desde o primeiro momento”.
Ademais López salientou que “é bo momento para xerar espazos nos que a universidade, a administración e os profesionais do sector compartan coñecemento e experiencias, conexión entre o ámbito académico e a realidade empresarial que é precisamente un dos valores engadidos deste curso”.
En definitiva, trátase dunha iniciativa de formación coa que contribuír a que o emprendemento turístico en A Mariña sexa “un emprendemento de calidade, que xere oportunidades económicas, pero tamén valor para o territorio e para as persoas que viven nel, favorecendo un desenvolvemento turístico sostible e a longo prazo”.
O emprendemento no sector turístico da Mariña supón un dos principais valores, xa que conxuga o coñecemento profundo do espazo coa creación de novos produtos e servizos que enriquecen a oferta e contribúen á desestacionalización dos fluxos turísticos.
A dirección do curso que hoxe comeza asúmea Antonio García Lorenzo, profesor da Facultade de Economía e Empresa da UDC, natural do Valadouro; e a secretaría Tania Hermida, axente de desenvolvemento turístico da Mancomunidade de Concellos.
A asistencia a este curso de Emprender no sector turístico na Mariña Lucense está recoñecida como créditos nos estudos de grao, que se convalidan segundo o plan de estudios de cada titulación.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
