Viveiro, 9 de xullo, 2026. O Grupo Municipal Socialista de Viveiro celebra que o Plan Xeral de Ordenación Municipal (PXOM) dea un novo paso na súa tramitación e poida chegar proximamente á súa aprobación provisional. Considera que se trata dunha noticia positiva para o municipio, que leva máis de dúas décadas agardando por un instrumento de planificación urbanística imprescindible para o seu desenvolvemento.
O PSOE de Viveiro quere, no entanto, aclarar algunhas afirmacións realizadas polo actual goberno municipal na presentación pública deste anuncio. O grupo socialista subliña que o PXOM que agora se leva a aprobación provisional non naceu hai un ano nin é froito dun novo procedemento, senón que é exactamente o mesmo expediente iniciado e impulsado polo anterior goberno socialista, coa mesma empresa redactora e coa mesma tramitación técnica e administrativa. Engaden que o traballo realizado durante anos polo anterior executivo permitiu atender sucesivamente os requirimentos formulados polas distintas administracións ata deixar o expediente preparado para afrontar esta fase.
Desde o PSOE consideran “sorprendente” que quen durante anos cuestionou o traballo desenvolvido polo anterior goberno e polo equipo redactor presente agora como un logro propio a continuidade dese mesmo expediente.
O grupo socialista lembra tamén que unha parte importante do atraso do PXOM non foi consecuencia da falta de traballo municipal, senón da demora na emisión de informes por parte de distintos organismos da Xunta de Galicia. Destacan especialmente o caso de Augas de Galicia e da Dirección Xeral de Patrimonio, que mantiveron o expediente durante arredor de tres anos sen emitir resposta, malia os reiterados escritos remitidos desde o Concello reclamando a súa resolución.
A anterior alcaldesa, María Loureiro, chegou incluso a trasladar persoalmente esta situación ao daquela presidente da Xunta, Alberto Núñez Feijóo, reclamando o desbloqueo dun expediente que permanecía paralizado. Segundo o PSOE, foi a partir dese momento cando se puido continuar coa súa tramitación.
Durante os gobernos socialistas, o PXOM foi tratado como unha cuestión de cidade. Entre 2019 e 2024 celebráronse doce reunións da Comisión Especial do PXOM e de voceiros para informar puntualmente da evolución do expediente: unha en 2019, dúas en 2020, dúas en 2021, dúas en 2022 e cinco en 2024, a última delas o 25 de novembro, antes da moción de censura. Nesas reunións compartíase información coa totalidade dos grupos políticos porque, segundo o PSOE, sempre se entendeu que un documento desta transcendencia debía tramitarse desde o consenso, a participación e a máxima transparencia.
Por iso, o grupo socialista expresa a súa sorpresa ante o feito de que, desde a chegada do novo goberno, só se convocase unha reunión informativa en 2025 coa oposición sobre a evolución do PXOM e ningunha en 2026. Afirman descoñecer se o Partido Popular e Por Viveiro mantiveron encontros internos sobre este asunto, pero critican que se excluíse aos restantes grupos municipais, malia que o PSOE solicitou en varias ocasións a convocatoria da Comisión Especial para coñecer o estado da tramitación. A resposta, aseguran, foi sempre o silencio.
Agora anúnciase a convocatoria da Comisión Especial do PXOM para o 10 de xullo e, apenas uns días despois, a celebración dun pleno extraordinario para a aprobación provisional dun dos documentos máis importantes da historia recente de Viveiro. O PSOE considera que esta non é a forma adecuada de tramitar un expediente desta envergadura, lembrando que se trata de miles de páxinas, informes técnicos, alegacións e documentación urbanística que require unha análise rigorosa e responsable. Critican que a oposición reciba toda a documentación practicamente ao mesmo tempo que se fixa a data da comisión e do pleno.
A alcaldesa afirmou publicamente que os grupos municipais deben pronunciarse sobre o PXOM. O PSOE responde que, precisamente por responsabilidade, antes de convocar a Comisión Especial e anunciar o pleno extraordinario debería terse celebrado unha reunión previa de traballo que permitise estudar polo miúdo toda a documentación, resolver dúbidas e facilitar un verdadeiro consenso arredor dun documento chamado a marcar o futuro urbanístico de Viveiro durante as próximas décadas.
O Grupo Municipal Socialista asegura que actuará, como sempre fixo, con responsabilidade institucional. Estudará con rigor toda a documentación que se lle entregue e defenderá aquilo que considere mellor para o interese xeral de Viveiro. Conclúe que o importante non é apropiarse politicamente do PXOM nin facer anuncios para a foto, senón aprobar un bo Plan Xeral, con todas as garantías, coa máxima transparencia e co maior consenso posible entre todas as forzas políticas e a veciñanza.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
