Lugo, 22 de xullo de 2026. A Delegación Territorial da Xunta en Lugo acolleu hoxe a presentación da IX Romaxe Viquinga do Vicedo, un acto que contou coa participación do delegado territorial, Alfonso Villares; o alcalde do municipio, Jesús Novo; e o dúo Queiman y Pousa, que colabora na organización, entre outros.
A romaxe dará comezo este venres, día 24, coa lectura do pregón diante da Casa da Cultura por parte do secretario xeral da Lingua, Valentín García Gómez, ao que seguirá un desfile pola localidade e a exhibición de combates entre viquingos e cristiáns.
O sábado celébrase a xornada principal na praia de Area Grande, en San Román. Os campamentos abrirán ás 11:00 horas, e o esperado desembarco viquingo producirase ás 12:30 horas. Durante todo o día sucederanse os xogos, obradoiros, espectáculos infantís ou actuacións musicais, entre outras propostas.
Villares destacou a rápida consolidación da Romaxe Viquinga, que “en menos dunha década se converteu nunha cita de referencia do verán na provincia” e puxo en valor o “esforzo organizativo do Concello do Vicedo, das asociacións e de todas as persoas que colaboran para facer posible esta celebración”. Nesta liña, referiuse tamén ao apoio da Xunta a esta festa de recreación histórica, “que contribúe a poñer en valor a nosa historia e patrimonio, dinamiza o territorio e proxecta a nosa provincia como un destino con propostas culturais e de lecer de gran atractivo”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
