A Mariña 2-12-18. O pasado sábado, día 1 de decembro, no Auditorio Muncipal de Burela, celebrouse a Proba Artística das Primeiras Olimpíadas da Mariña Central. Os artistas deron proba das súas capacidades creativas e artísticas, sendo a música e o teatro os grandes protagonistas da xornada.
Os vencedores desta xornada foron Lourenzá (unha combinación, cun monólogo de Noé Recalde titulado “Xirarei” e unha canción de Jonathan Dasilva titulada “Con las ganas”) e Mondoñedo (coa representación da obra “As tres preocupacións do Rei Cintolo”, do grupo de teatro Xoldra). Ambos equipos conseguiron un total de 54 puntos por parte do Xurado e conseguiron os dous a medalla de prata desta proba.
Medalla de bronce foi o concello de Foz, que representou a obra titulada “A consulta”, na que participaron actores dos grupos de teatro A Adala e O Centiño. Foz conseguiu 51 puntos do Xurado.
A continuación os equipos quedaron do seguinte xeito:
4. Valadouro – 50 puntos.
5. Burela – 47 puntos.
6. Alfoz – 47 puntos.
7. Barreiros – 47 puntos.
8. Cervo – 45 puntos.
O Xurado estivo formado por Paco Piñeiro (Cervo), Antonina Semedo (Burela), Chingla (Foz), Luís Miguel Yáñez (Alfoz), Mari Gómez (Valadouro), Iván Otero (Barreiros), José García (Mondoñedo) e Manuel Goás (Lourenzá).
Despois de ter xa disputadas dúas xornadas, a clasificación das Olimpíadas pasa a estar encabezada polo concello de Mondoñedo. A clasificación queda do seguinte xeito:
1. Mondoñedo – 375 puntos.
2. Valadouro – 325 puntos.
3. Foz – 275 puntos.
4. Lourenzá – 275 puntos.
5. Alfoz – 200 puntos.
6. Cervo – 175 puntos.
7. Barreiros – 150 puntos.
8. Burela – 125 puntos.
A seguinte proba será o Fútbol Sala, que se disputará no Pavillón de Marzán de Foz o vindeiro día 6 de decembro, a partir das 9,30 da mañá as eliminatorias de cuartos de final e a partir das 16,00 horas as semifinais e a final.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
