Foz, 20 de decembro de 2018. A programación de Nadal do Concello de Foz inclúe actividades como a visita de Papá Noel, a cabalgata dos Reis Magos, actuacións musicais, teatro e unha festa infantil.
Mañá, venres, de 12:00 a 13:00 horas na casiña de Papá Noel situada diante da Casa do Concello haberá elfos para recoller as cartas dos nenos e nenas. Ese mesmo día ás 20:30 horas na Sala Bahía terá lugar un festival de Nadal da Escola de Música de Foz
O sábado 22 de 12:00 a 13:00 horas na casiña de Papá Noel situada diante da Casa do Concello, volverá a haber elfos para recoller as cartas dos nenos e nenas. Ese mesmo día de 17:00 a 20:00 horas na Sala Bahía haberá unha festa infantil con inchables, talleres e xogos populares gratuítos para todos os nenos e nenas, con chocolatada a cargo de O Feitizo. E ás 17:00 horas no pavillón de Marzán terá lugar o primeiro trofeo kata infantil a cargo de Karate Shyto Ruy A Mariña.
O luns 24, día de Noiteboa, celebrarase a cabalgata de Papá Noel, que sairá ás doce do mediodía desde a Casa da Cultura que irá ata o Concello, onde recibirá a tódolos nenos e nenas. O mesmo día 24 ás doce do mediodía na Avenida da Mariña haberá un concerto de panxoliñas a cargo de alumnos e alumnas da Escola de Música de Foz. E ás 16:30 horas na praza Rosalía de Castro empezarán as probas da terceira Carreira Popular de Nadal Run Foz Run.
O martes 25, día de Nadal, a Banda de Música de Foz ofrecerá o seu concerto tradicional destas datas. Será na igrexa parroquial ás 20:30 horas.
O día 27, xoves, ás 20:00 horas na Casa da Cultura proxectarase unha curtametraxe titulada Mans salgadas e realizada por alumnos e alumnas do IES de Foz.
O venres 28 o CENIMA acollerá o Planetario Ciencia Kids Fulldome Space de 10:30 a 13:30 horas. É unha actividade gratuíta para nenos, nenas e rapaces, que poderán entrar nun planetario con proxección do universo a través dun sistema fulldome, que logra unha sensación única de inmersión. Está subvencionada pola Deputación de Lugo.
O sábado 29 ás 18:30 horas haberá teatro infantil na Sala Bahía. A compañía Expresión Produccións ofrecerá o espectáculo de maxia cómica Trío de ases. O prezo das entradas é de 1,5 euros para os nenos e nenas e de 2,5 euros para os adultos.
O luns 31 rematará a programación cultural do Concello de Foz para este ano cun concerto de panxoliñas na rúa. Será na Avenida da Mariña ás doce do mediodía.
E o 5 de xaneiro, sábado, celebrarase a Cabalgata de Reis, con saída da praia da Rapadoira para percorrer as rúas da vila ata o belén vivinte que estará na Casa do Concello. Os Reis Magos recibirán aos nenos e nenas na Sala Bahía, onde haberá inchables, churros con chocolate e roscón de Reis. Para poder facer o percorrido cos Reis nas carrozas os nenos e nenas interesados deberán anotarse previamente na Delegación de Cultura do Concello de Foz do 2 ao 4 de xaneiro ou ata cubrir as prazas dispoñibles; e deberán ir vestidos de pastores ou co traxe rexional.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
