A Mariña, 22 de decembro de 2018. A Mancomunidade de Municipios da Mariña celebrará pleno o día 8 de xaneiro. Esta sesión estaba prevista para o pasado luns, 17 de decembro, pero as axendas dos Concellos, cheas de actos nestas datas, non o permitiron, segundo Alfredo Llano. Nesa vindeira sesión a Mancomunidade aprobará os orzamentos e os plans de turismo e emprego para 2019, ademais de tratar a súa presenza en Fitur.
O presidente da Mancomunidade de Municipios da Mariña, Alfredo Llano, explicou que “tíñamos previsto facer o pleno da Mancomunidade para rematar o ano o pasado día 17, pero por circunstancias de que agora son malas datas porque hai moito compromiso dos alcaldes e concelleiros xa que hai moitas actividades nos diferentes Concellos, foi imposible facelo ese día”.
Alfredo Llano dixo que “faremos o pleno da Mancomunidade o día 8 de xaneiro, no mesmo sitio e á mesma hora, no Vicedo, ás oito da tarde. Vanse aprobar os orzamentos e os proxectos de turismo e o plan integrado de emprego, no que a xente xa está traballando para seleccionar ás persoas que van formar parte deste programa. É unha pena que non tivéramos ocasión de facer este pleno para poñer a andar unha serie de proxectos que estamos esperando a decidilos entre todos e así ser aprobados para que se poidan aplicar inmediatamente”.
O presidente da Mancomunidade subliñou que “outra cousa importantísima que temos que tratar nese pleno é a nosa participación en Fitur. Supoño que estaremos a tempo de preparar unha boa actuación e unha boa defensa do turismo na nosa Mancomunidade en Madrid”.
ÚLTIMA HORA
- Un motorista falece logo de bater a moto que conducía contra un muro en Vilalba
- Co pregón da recoñecida escritora e xornalista Mª Xosé Porteiro arrincou este venres o XI Ribadeo Indiano
- Burela impulsa unha nova edición de Xogo e Xente para dinamizar as noites de verán
- BNG e Galiza Nova anuncian en Foz o programa comarcal do 25 de xullo
- Co pregón da recoñecida escritora e xornalista Mª Xosé Porteiro arrincou este venres o XI Ribadeo Indiano
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. O sábado e o domingo desenvolverase un intenso programa de actividades pensadas para todos os públicos. - Este venres, diante da Casa do Concello de Cervo, gardouse un minuto de silencio en memoria das vítimas do tráxico incendio forestal de Los Gallardos (Almería)
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia. - O Festival Aires do Masma celebra a súa XXV edición, cumprindo cuarto século de divulgación da cultura galega a través da música e do baile tradicional
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz. - O Concello de Cervo pechou tres exitosas xornadas das Noites de Fútbol Praia
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3. - O Rincón de Mondoñedo celebra este ano o seu XXV aniversario cun concerto moi especial no que agasalla aos seus clientes co mellor son que pode saír dunha guitarra, da man do gran Viti Gutiérrez
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo. - O delegado territorial da Xunta en Lugo, Alfonso Villares, acompañou este luns aos veciños e veciñas de Lieiro, en Cervo, na tradicional sardiñada
Con ela pechouse a celebración das festas de Santa Isabel que, un ano máis, foi todo un éxito. - O Concello de Trabada abre unha bolsa de emprego temporal co obxectivo de cubrir as vacacións do persoal do servizo municipal de limpeza durante os próximos meses
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
2021 Crónica 3 A Mariña - Implementado por GaliciaDigital