CERVO .- O Concello de Cervo anuncia que as obras do saneamento de Cervo e Figueirido comezarán antes do verán e que representantes da empresa adxudicataria visitaron o trazado por onde está previsto que discorra a nova rede de sumidoiros.
Nota de Prensa
AS OBRAS DO SANEAMENTO DE CERVO E FIGUEIRIDO COMEZARÁN ANTES DO VERÁN
* Técnicos de Augas de Galicia e da empresa adxudicataria das obras estiveron a percorrer xunto co alcalde, Alfonso Villares, o trazado por onde discorrerá a rede de sumidoiros
*
Cervo, 18 de febreiro de 2010.- No mediodía de hoxe o alcalde de Cervo, Alfonso Villares, visitou xunto con técnicos de Augas de Galicia e da empresa adxudicataria das obras de saneamento de Cervo-Figueirido o trazado por onde está previsto que discorra a nova rede de sumidoiros, así como o lugar onde irá situada a depuradora que dará servizo a esta área do termo municipal.
“Estivemos perfilando cal vai ser o trazado definitivo e tamén fixamos sobre o terreo a situación máis axeitada para ubicar a estación depuradora de augas residuais” sinalou o rexedor cervense. Alfonso Villares indicou que esta visita dos técnicos ten por obxecto redactar o proxecto de execución definitivo da obra. De cumprirse os prazos dados hoxe polos técnicos ao rexedor cervense o proxecto de execución podería estar rematado a principios de maio “e as obras poderían estar en marcha antes de que se inicie o verán” adiantou Villares.
O alcalde aproveitou tamén a visita dos representantes do ente autonómico dependente da Consellería de Medio Ambiente para desprazarse con eles ata o lugar de Figueirido para inspeccionar un tramo que foi afectado polas chuvias torrenciais de hai un mes e que non está incluído dentro desta obra de saneamento “co obxecto de atopar unha solución definitiva para esta zona, a cal presenta unha dificultade importante debido á orografía por onde terían que pasar as tubos da rede” recoñeceu o alcalde.
Para o rexedor, a estadía hoxe en Cervo dos técnicos de Augas de Galicia e dos representantes da empresa adxudicataria das obras “é unha ledicia porque significa que ditas obras serán unha realidade en breve co conseguinte beneficio para todos os veciños da zona, os cales, poderán disfrutar dunha infraestrutura que, a pesares de non estar á vista, dende o goberno local consideramos prioritarias para o bo desenvolvemento do noso municipio e por iso estamos a facer especial fincapé en levar adiante este tipo de obras”.
Proxecto
A Consellería de Medio Ambiente, Territorio e Infraestruturas adxudicou o pasado mes de xaneiro as obras dos colectores xerais e a estación depuradora de augas residuais do Concello de Cervo á empresa Ute Vivendas e Obras Civís-Passavant, por un importe de 1.174.999 euros.
Desta maneira, Medio Ambiente a través de Augas de Galicia, financiará o cento por cento da obra. Esta actuación foi aprobada no Consello da Xunta do pasado 8 de outubro e licitada a finais dese mesmo mes.
Así, levarán a cabo diversas actuacións para resolver a carencia da rede de saneamento de Cervo e Figueirido, así como as verteduras de augas residuais sen depurar ao Río Xunco, un problema que se resolverá coa construción dunha nova depuradora que beneficiará a máis de 1.500 habitantes.
A estación depuradora estará situada nunha parcela de 1.425 metros cadrados e terá un caudal de 290 metros cúbicos por día. O prazo de execución das obras establecido por Augas de Galicia é de 26 meses.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
