foto: Miguel Fraga Otero
Xove/FOZ (MFO) .- A vixésimo primeira xornada da liga de baloncesto de Primeira Nacional deixou unha vital vitoria en Xove, que lle gañou por 57 a 53 ao Estudiantes de Lugo, e unha amarga derrota para o Celtas, que perdeu en Ferrol por 88 a 84.
O C. B. Xove levouse o derbi provincial contra o Estudiantes, rival directo pola permanencia, vitoria que confirma a melloría do equipo e o mantén na loita por evitar o descenso. O triunfo e dobre debido a que en caso de empate a vitorias entre os dous equipos o Xove estaría por encima. O partido foi unha batalla de defensas na que os local dominaron os corenta minutos. So nos minutos finais os da capital lograron intimidar os mariñáns. O resultados do resto da xornada deixan a clasificación nun triple empate entre Xove, Rosalia e Estudiantes con sete vitorias pero con un partido menos aos xovenses. Polo Xove xogaron: Javi, Álvaro (6), Andrés (16), Juan María (13), Alcalde (11) – Fernando (7), José David (4), Eugenio e Piñón.
O Celtas-Primera Calidad sufriu un amarga derrota contra o Norinver Ferrol C. B. O mal comezo de partido foi o que privou as focenses de poder logra a segunda vitoria da tempada. Tras o primeiro cuarto (22-13) o Celtas recuperouse e empezou a xogar a un bo nivel a pesar de marcharse ao descanso 13 puntos abaixo. Na reanudación os de Foz mantiveron o bo nivel para chegar aos minutos finais co marcador moi apertado. A falta de 30 segundos e tres puntos abaixo o Celtas tivo un ataque que desperdiciou e non puido rematar a remontada. Polo Celtas-Primera Calidad xogaron: Paco (7), Miguel (22), Sama (20), Diego (4), Manolo (11) – Lucas (4), Aarón (12), Manuel (1) e Ramón (3).
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
