Burela 24-1-19. O radiofonista Marco Pereira Oliveira, estudante de Ciencias da Comunicación na USC, participará mañá xoves, ás 13:10 horas nun obradoiro de oratoria dirixido ao alumnado de 2º de ESO do IES Perdouro. O estudante invidente cursou o Bacharelato no IES Marqués de Sargadelos e o Ciclo Superior de Administración e Finanzas no IES Perdouro. Precisamente a través das actividades extraescolares destes centros educativos, Marco Pereira interesouse pola participación na comunicación radiofónica tanto no referente á produción como á redacción e locución. Desde xaneiro de 2016 dirixe o seu propio programa en Radio Burela, o Grandes Voces do Noso Mundo, que desde 2018 é reemitido pola cadea de emisoras municipais Radio Fusión, por CUAC FM da Coruña, Radio Filispín de Ferrol e a Radio Internacional Lusófona do Brasil. Co apoio de Edilson Sanches Tavares, xoven de orixe caboverdiana que estuda Bacharelato no IES Monte Castelo de Burela, Marco Pereira prepara semanalmente un programa que inclúe 45 minutos de música cantada e un espazo de 15 minutos dedicados á conversa con grandes artistas como é o caso de Sés, Luar na Lubre, Davide Salvado, Doa ou Uxía Senlle.
No pasado mes de setembro, Marco Pereira Oliveira foi recoñecido co Premio Estudante Galeguista, galardón que lle foi entregado en Santiago de Compostela nun acto en que participaron o escritor Manuel Miragaia (en representación da entidade convocante, a ANG) e o profesor Xosé Ramón Pousa, decano da Faculdade de Xornalismo da USC
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
