Lugo, 25 de xaneiro de 2019.- A Consellería de Economía, Emprego e Industria ten aberto ata o vindeiro día 11 de febreiro o prazo de solicitude da convocatoria deste ano para acreditar a experiencia profesional na disciplina de socorrismo, tanto en espazos acuáticos naturais (225 prazas) como en instalacións acuáticas (225 prazas).
O delegado territorial da Xunta en Lugo, José Manuel Balseiro, destacou que as acreditacións que se acaden teñen carácter oficial e validez nacional. Así, as persoas que obteñan estes recoñecementos poderán facelos valer no mercado laboral como certificados oficiais dos coñecementos e capacidades adquiridos a través de anos de experiencia.
As cualificacións que convoca a Consellería corresponden na maioría dos casos a actividades ou profesións que por normativa, debido a razóns de saúde e seguridade e co obxectivo de garantir un bo servizo, esixen como requisito imprescindible para desempeñalas a posesión dun título ou certificado de profesionalidade que acrediten a súa competencia profesional.
Balseiro salientou que este procedemento é unha vía complementaria aos cursos de formación para obter o certificado acreditativo e habilitante para exercer como socorrista, “unha profesión con alta demanda especialmente nos meses de verán”. Dentro do Plan galego de formación 2018-2019, a Xunta achega financiamento para un curso de socorrismo en espazos acuáticos naturais organizado polo Concello de Xove, que se imparte dende o pasado 8 de xaneiro ata o vindeiro 16 de maio, e conta con 15 participantes.
Prazo aberto para solicitar tamén outras cualificacións
A convocatoria que ten aberta a Xunta ata o 11 de febreiro permite solicitar, ademais da cualificación en socorrismo, a acreditación da experiencia profesional noutras cinco disciplinas: docencia da formación para o emprego (100 prazas); operacións auxiliares de fabricación mecánica (100 prazas); atención sociosanitaria a persoas no domicilio (300 prazas); atención sociosanitaria a persoas dependentes en institucións sociais (250 prazas) e tanatopraxia (150 prazas).
A información e detalles sobre este proceso pódese consultar na páxina web da Consellería de Economía, Emprego e Industria, no portal de Emprego: http://emprego.ceei.xunta.gal/portada-reconecemento-experiencia-profesional
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
