NOTA DE PRENSA:
O PP considera que a cancelación da reunión de hoxe en Madrid deixa patente que Zapatero quere impedir a fusión das caixas galegas
* Os senadores e deputados nacionais e autonómicos analizaron este asunto hoxe no transcurso dunha das súas reunións periódicas de traballo
* O estado no que se atopan as estradas de competencia estatal, os programas promovidos pola Consellería de Medio Rural para favorecer a actividade agrogandeira e a situación dos hospitais de Burela e Monforte foron outros dos asuntos abordados no encontro
Lugo, a 25 de febreiro de 2010.- Os senadores e deputados nacionais e autonómicos mantiveron esta tarde unha das súas reunións periódicas para coordinar as accións que levarán a cabo nas vindeiras semanas, así como para analizar o traballo desenvolto dende a última reunión.
Os asistentes valoraron moi positivamente a repercusión da charla informativa desenvolvida en A Fonsagrada para dar a coñecer os plans dinamizadores que está a poñer en marcha a Consellería de Medio Rural e neste senso teñen previsto repetir a experiencia próximamente en Sarria na que, ademais dos programas de Medio Rural, falarase do plan Impulsa Lugo.
A organización deste tipo de actos fora acordada na anterior reunión mantida polos cargos electos do PP no Senado e nos parlamentos galego e estatal co fin de dar a coñecer en primeira persoa á cidadanía o traballo que están a realizar nas respectivas cámaras.
A situación na que se atopa o sector agrogandeiro lucenses, que ó igual que as demais áreas productivas están a pasar por graves dificultades por mor da crise económica, centrou boa parte do encontro.
Así, valorouse positivamente as medidas que está a poñer en marcha a Consellería de Medio Rural como o pacto agrario galego cuxos obxectivos pasan por garantir a capacidade produtiva dos nosos labregos e gandeiros; que a Política Agraria Común sexa unha rede de seguridade do sector; así como por habilitar mecanismos dabondo para unha xestión eficaz dos mercados. Tamén salientaron a posta en marcha dun plan de actuación para garantir a orixe do leite producido en Galicia ou mesmo o feito de que o Programa de Desenvolvemento Rural de Galicia contará con 23 millóns de euros adicionais para o período 2009-2013.
Os representantes populares comprometéronse neste eido a seguir a presentar nas respectivas cámaras cantas iniciativas sexan precisas para mellorar a situación pola que está a pasar o agro.
BOICOT Á FUSIÓN DAS CAIXAS.-
A lei de caixas de Galicia e a negociación que están a manter representantes da Xunta e do Goberno central para tentar desbloquear este asunto “primordial para o futuro de Galicia”, segundo a opinión dos representantes populares, foi otro dos asuntos abordados. Neste senso foron moi críticos coa decisión unilateral do executivo central de cancelar a xuntanza prevista para esta tarde e non dubidaron en acusar a Zapatero de estar a perxudicar os intereses de Galicia co boicot que está a facer a unha decisión unánime adoptada polo Parlamento de Galicia. Consideran, de feito, que a actitude amosada polo Goberno de Zapatero coa anulación do encontro de hoxe é inaceptable e amosa que o único que pretende é impedir a fusión das caixas galegas.
Con especial preocupación ven tamén os populares a situación na que se atopan as estradas de competencia estatal na provincia. A este respecto lamentaron o olvido ó que están sometidas vías que soportan gran densidade de tráfico como e o caso, por poñer algúns exemplo, das nacionais 640,642 e 634 nas que non se están a realizar as mínimas labouras de mantemento e polas que, de feito, se interesaron no Congreso e no Senado. Os representantes populares criticaron que os mandatarios socialistas e nacionalistas dos concellos polos que discurren estas estradas non reivindican a súa mellora ante o ministro de Fomento José Blanco e amosaronse especialmente preocupados polas consecuencias que tanto no mantemento como na construcción de novas infraestructuras vai a ter a reducción orzamentaria .
HOSPITAIS.-
A situación dos hospitais comarcais de Burela e Monforte foi outro dos asuntos analizados durante o encontro pola alarma que se suscitou entre a cidadanía dado, ó entender dos populares, “a interesada politización” que algunhas forzas políticas está a facer deste asunto. Neste senso os representantes electos do PP insistiron en que está fora de toda dúbida a aposta da Xunta de Galicia por unha sanidade pública e de calidade.
Así se pon de manifesto, segundo suliñaron, no Acordo de Xestión Sanitaria 2010 recentemente asinado e no que se fixan obxectivos moi concretos para mellorar a prestación deste servizo: recortar as listas de espera, garantindo que as patoloxías máis graves sexan atendidas antes de 30 días e as graves nun máximo de 60 días, incrementar o uso da receta electrónica, informatizar as historias clínicas, seguir incrementando a capacidade diagnóstica na atención primaria e mellorar o rendimento quirúrxico dos hospitais
Os populares insistiron en que a mellora garantía de que seguiranse a manter as áreas sanitarias da Mariña e a Zona Sur é a propia Xunta, que reiteradamente se amosou contraria a levar á practica a reordenación das áreas sanitarias prevista polo anterior goberno bipartito, segundo a cal, a de Burela pasaba a integrarse na de Ferrol e a de Monforte, en Lugo.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
