Ribadeo, 26 de febreiro de 2019. A Comisión de Carnaval de Ribadeo abriu xa a inscrición para participar no desfile que terá lugar o 5 de marzo, Martes de Entroido. O prazo remata o luns ás doce da noite.
As bases e as fichas de inscrición poden atoparse no facebook EntroidoRibadeo. Desde a organización subliñan que “no que respecta á categoría charanga/comparsa as 10 primeiras en inscribirse recibirán unha achega económica especial de 100 euros cada unha, que se lles entregará en efectivo o mesmo día do desfile, e a maiores contan coa posibilidade de optar a premio”.
Os dorsais serán entregados entre as 15:30 e as 16:30 horas á entrada do Cine Teatro. Todos os participantes deberán estar na avenida Rosalía de Castro cun mínimo de 15 minutos de antelación ao inicio do desfile, previsto para as 17:00 horas.
En total vanse repartir preto de 4.500 euros en premios. Haberá para comparsas/charangas, carrozas, grupos, parellas adultos e individuais adultos; e para as categorías infantís en grupos, parellas e individuais. Tamén haberá dous premios especiais (de carácter honorífico) á mellor mascarita. No acto de entrega dos premios coñecerase o nome dos establecementos doadores dos mesmos.
Desde a Comisión de Carnaval subliñan que “a contía dos premios é similar á das pasadas edicións, aínda que os redistribuímos para fomentar a participación creando premios máis grandes en categorías como parellas, grupos e individuais. E no caso das comparsas/charangas haberá 5 premios, en lugar dos 3 que viñamos dando anos atrás. Queremos facer en Ribadeo un grande desfile, bonito, elegante e masivo. E agardamos que sexa do agrado tanto dos participantes como do público que encherá as rúas de Ribadeo, xa que este Martes de Entroido, é festivo na nosa vila”.
No Desfile participará a Escola Municipal de Música de Ribadeo, pero non optará a premio “colaborando así un ano máis co Entroido ribadense”.
A Comisión de Carnaval anima á veciñanza “a disfrutar do Entroido e a saír esta fin de semana despois da Gala, así como a luns aproveitando que ao día seguinte é festivo. Haberá actividade na rúa e tamén na hostalería ribadense, onde se ofrecerán pratos típicos destas datas coma o cocido ou doces coma orellas, rosquiñas ou filloas”.
O programa de actividades xa deu comezo a pasada fin de semana coa Festa dos Freixós no Teatro.
Este vindeiro sábado, 2 de marzo, ás 21.00 horas no Teatro continuará a programación coa celebración da Gala do Entroido, que xirará entorno a unha temática concreta: a música. Unha hora antes os membros da Carroza do Entroido sairán do parque de San Francisco caracterizados para a ocasión. Desde a comisión organizadora animan “a toda a veciñanza a que se inspire na temática musical para as súas caracterizacións e nos acompañe, ao igual que o farán outros grupos carnavaleiros da vila. A Gala do Entroido será guiada pola ribadende Susana Álvarez e durante a mesma haberá moitas sorpresas, con artistas de renome nacional e internacional”.
No programa de actividades do Entroido 2019 non faltará a comparsa do cocho, que o 3 de marzo (domingo), a partir das 12:00 horas percorrerá as rúas de Ribadeo acompañada polo cuarteto tradicional Illa Pancha. Xa pola tarde a partir das 17:00 horas, tócalles aos máis pequenos, que poderán desfrutar do tradicional baile infantil de disfraces na discoteca Rosa Lar.
O luns, 4 de marzo, haberá pasarrúas a cargo da charanga Aturuxo e ás 22:30 horas será a cea do Entroido no restaurante Marinero, no porto deportivo de Ribadeo.
Xa o martes, 5 de marzo, será o día do gran desfile, que sairá ás 17:00 horas da Avenida Rosalía de Castro para percorrer as principais rúas de Ribadeo e rematar diante do Concello, onde será a entrega de premios.
E xa o sábado, 9 de marzo, terá lugar a queima do Entroido. Trátase dun dos actos máis destacados do Carnaval de Ribadeo. Ás 21:00 horas sairá a comitiva fúnebre, acompañada de viúvas e viúvos e das charangas Aturuxo, Os Macanudos e Habelas Hainas, das inmediacións do Concello e trasladarase ata a Avenida Rosalía de Castro onde terá lugar a queima do Entroido, seguida dunha sesión de fogos artificiais e da monumental traca.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
