Muras, 26 de febreiro de 2019.- A Xunta de Galicia investiu preto de dous millóns de euros, no último ano, en novas obras e servizos en beneficio da veciñanza de Muras, unha achega económica moi relevante que incluso supera a totalidade do orzamento municipal (1,8M€) do que dispón este concello.
O delegado territorial da Xunta en Lugo, José Manuel Balseiro, que visitou esta mañá a localidade, quixo facer balance destes investimentos e poñer en valor o compromiso do Goberno galego como a administración que máis inviste en Muras.
“De feito, as achegas da Xunta son aínda maiores, se temos en conta que nesta cifra de investimentos de máis de dous millóns de euros, non están incluídos outros servizos públicos importantísimos, sostidos e financiados pola Xunta, como son o funcionamento do centro de saúde e do colexio da localidade”
Ampliación da rede de abastecemento e novas caldeiras de biomasa
As achegas máis relevantes no municipio teñen que ver cos apoios aos profesionais do medio rural. Destináronse máis de 900.000 euros en axudas directas a agricultores e gandeiros, que serviron, entre outros, para financiar os de plans de mellora, novas incorporacións e de apoio a pequenas explotacións
As achegas da Xunta, permitiron tamén investir máis de 400.000 euros en novas infraestruturas e equipamentos. Entre eles a posta en marcha das redes de saneamento en cinco núcleos da localidade (Musdradas, A Bidueira, Abelaira, Cabanela e Ucheiras), a instalación de caldeiras de biomasa na Casa do Concello e na Casa da Cultura (Casa Rouco) ou a compra de material para a creación dunha aula da natureza itinerante.
En materia de infraestruturas, Muras tamén foi un dos municipios beneficiados polas distintas fases de mellora da LU-540, estrada da Gañidoira, na que se desenvolveron tarefas de reforzo do firme e mellora da calzada naqueles puntos nos que, polo uso e os condicionantes climatolóxicos, presentaba algún deterioro.
O Goberno galego tamén financia importantes achegas para en materia de benestar. De feito, neste período destinou máis de 150.000 euros ao sostemento do servizo de axuda no fogar para persoas dependentes. Outros apoios relevantes están no ámbito do emprego, máis de 280.000 á posta en marcha do obradoiro que comparte cos concellos de Ourol e do Vicedo e 24.000 euros adicionais para a contratación dun socorrista e dous traballadores ao abeiro do programa Aprol Rural.
A Xunta tamén achegou preto de 200.000 euros a Muras con cargo ao Fondo de Cooperación Local, unha contía que o Concello pode destinar a financiar aquelas obras e servizos que estime máis convenientes, sen ningún tipo de traba ou condicionamento.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
