LUGO .- A Xunta de Goberno da Deputación aprobou este venres a adxudicación provisional de dous vehículos de extinción e rescate en altura e equipamento xeral para os parques de bombeiros por valor de 1.222.723 euros. O voceiro provincial socialista, Antonio Gato Soengas, subliñou que “tivemos que repetir o proceso porque as empresas que se presentaron nun primeiro momento non presentaron a documentación necesaria. Con todo, quero destacar que por parte da Deputación existe unha clara disposición e unha vontade decidida por poñer en marcha os parques, xa que esta era outra das débedas históricas que tiña esta provincia”. Neste senso, apuntou que dende que se iniciou a posta en marchar da rede provincial, o organismo provincial leva investidos 4 millóns de euros que se adicaron á adquisición doutros 10 vehículos a parte dos que se adxudicaron hoxe: 5 mandos todoterreo, 1 vechículo de rescate en altura e 4 coches urbanos lixeiros.
Asimesmo, Gato Soengas lembrou que a Deputación realizou un forte investimento no parque de Barreiros, xa que “para nós é prioritario que entre en funcionamento canto antes. Leva contraído hai 7 anos e nin sequera tiña traída de auga. Ante esta situación a Deputación investiu preto de 200.000 euros na adecuación do edificio que incluiu o subministro eléctrico, o peche da parcela, a construción do depósito de auga, etc”.
Antonio Gato anunciou que o vindeiro mércores 3 marzo, ás 11 horas, técnicos provinciais e da Xunta reuniranse no Concello de Lugo para constituír unha comisión a tres bandas: Deputación, Xunta e Concello e analizar a posible prestación de servizos do parque da cidade á área de Lugo.
Na reunión celebrada hai dúas semanas na Deputación e na que o Pleno aprobou o Orzamento por valor de 2 millóns de euros perfilouse a posta en marcha dos 5 parques. Deste xeito, durante este ano abriranse as instalacións contra incedidos de Barreiros, Chantada e Sarria, quedando para 2011 o de Vilalba, cuxas obras está previsto que rematen en maio.
No caso do de Monforte, o xoves pasado técnicos provinciais e autonómicos visitaron a infraestrutura monfortina para fiscalizar in situ as instalacións, e comprobar se é susceptible de ser utilizado polo Consorcio.
Na Xunta de Goberno tamén se aprobaron 7 contas xustificativas do Plan de Comunidades Veciñais de 2009. Suman 83.085 euros, dos que a Deputación achega 59.428 euros. Pertencen ós Concellos de Triacastela (3), Vilalba, Viveiro, Paradela e Pol.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
