O BNG tamén participa no entroido de Viveiro agasallando á veciñanza cunhas Coplas do Cegho de Ghaldo

Viveiro 5-3-19. Entroidada 2019
(Das “Coplas do Cegho de Ghaldo” )

Os do PP de Viveiro
están pedindo que os votes.
e pra animar á parroquia
dín que tiran los ghalpones.

Este conto xa é tan vello
que o mesmo Matusalén,
xa llo escoitaba de neno
ao seu avó don Noé.

Hoxe veñen cos de Puertos
e outravolta coa matraca,
ten un tufo electoral
que alcatrea coma a caca.

Será parva a veciñanza
se pica outra vez no anzol,
que lle lanzan en Viveiro
os que xogan de farol.

Que peniña de ghalpones
ben servían pra almacén,
do fume que nos venderon
os do PsoE “todo a cen”.

Ali dentro ghardarían
algo da Deputación,
as promesas da alcaldesa
e os traxes da procesión.

E xa que estes pendellos
escombros van resultar,
que os boten na ría todos
pra esa ponte sobre o mar.

pois dixo o siñor Balseiro
que xa teñen o premiso,
pra facer a nova ponte
e que é firme o compromiso.

Fagan pois meus señoriños
a ceremonia perfeuta,
derruben esos pendellos
e sigan esta receita:

un quilo e medio de Costas,
unhas follas de Loureiro,
unha areiña de Cal,
e un bon viño do Balseiro.