Lugo, 14 de marzo de 2019. O Deputado de Deportes, Pablo Rivera Capón, xunto co Presidente da Federación Galega de Piragüismo, José Alfredo Bea García, e o Delegado Provincial da Federación, Martín Carballo Méndez, presentaron este xoves a IX Liga Provincial de Piragüismo, que terá lugar en Lugo, San Cibrao (Cervo), Ribadeo, Viveiro e Foz, posto que cada regata estará organizada por un dos seis clubs participantes na Liga.
Esta novena edición comezará o día 1 de maio, coa regata organizada polo Club de Piragüismo Cidade de Lugo e rematará en Foz o 7 de setembro coa proba organizada polo Club Kayak. En cada cita competirán máis de 200 padexeiros de todas as categorías, desde prebenxamíns a veteráns nas modalidades individuais de Kayak e Canoa (K-1 e C-1) tanto femininas como masculinas.
Rivera Capón subliñou que “esperamos aumentar o número de participantes nas regatas grazas ao traballo de promoción en colexios e nas actividades de verán levadas a cabo polos clubs”. A Liga é unha cita importante, pois supón unha forma de consolidación das categorías base dos equipos, posibilitando que poidan competir e mellorar ao longo da tempada. Ademais, nas anteriores edicións competiron varios padexeiros que tamén participaron en competicións nacionais e incluso internacionais.
Desenvolvemento das probas
As regatas disputaranse con tres distancias, adaptándose ás categorías, así os prebenxamíns, benxamíns e alevíns percorrerán 1.500 metros, a proba de infantil terá 3.000 metros e o resto das categorías (cadete, xuvenil, sénior e veterano) realizarán unha proba de 5.000 metros. O calendario será o seguinte:
1 de maio de 2019: Lugo. Club de Piragüismo Cidade de Lugo.
16 de xuño de 2019: Lugo. Club Fluvial de Lugo.
23 de xuño de 2019: San Cibrao, Cervo. CD San Ciprián.
13 de xullo de 2019: Ribadeo. CP Altruán.
18 de agosto de 2019: Viveiro. Club Piragüismo Viveiro.
7 de setembro de 2019: Foz. Club Kayak Foz.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
