Ribadeo, 30 de marzo de 2019. O delegado territorial da Xunta en Lugo, José Manuel Balseiro, mantivo un encontro con representantes do colectivo veciñal que cada ano organiza unha das citas máis senlleiras da localidade: a Romaxe das Cruces, recoñecida o pasado xoves polo Goberno autonómico como cita de interese turístico galego.
O delegado trasladou á súa felicitación ao colectivo organizador e ao conxunto da veciñanza das parroquias de Ribadeo e Trabada que cada ano se esforzan na organización desta romaría, e vaticinou que este recoñecemento dará un impulso importante ao turismo e ao coñecemento do enorme potencial histórico e patrimonial do barrio da Ponte-Arante.
Balseiro avanzou a disposición do Goberno galego por contribuír á difusión desta cita e explicou que, este mesmo ano, ademais de colaborar coa organización da festa con varias actuacións musicais e espectáculos de lecer, prevén reeditar –co apoio da Secretaría Xeral de Política Lingüística- o libro Nosa Señora das Virtudes, do profesor Emilio Piñeiroa Lozano, una monfografía sobre A Ponte-Arante e na que tamén se explica a orixe e significado da Romaxe das Cruces.
Por outra banda, o delegado tamén explicou finalmente que a Xunta de Galicia traballa, de común acordo co bispado, nun proxecto de intervención que permita conservar e recuperar as extraordinarias pinturas murais da igrexa da localidade, santuario situado ao carón do Camiño Norte de Santiago, e na que se poden ver ilustracións que datan de época tardo-medieval.
A Romaría das Cruces
A Romaría das Cruces conmemora a vitoria dos veciños das parroquias de Ribadeo e Trabada ante o exército de Napoleón durante a Guerra da Independencia. Celébrase o luns de Pentecostés . Trátase dunha celebración na honra da Virxe das Virtudes que conta coa asistencia das sete cruces que lle dan o seu nome (Arante, Ove, Cedofeita, Cubelas, Vidal, Vilaboa e Sante).
Durante a procesión bendícense os campos, cántanse rogativas e conmemórase a vitoria sobre os franceses. O momento máis vistoso desta celebración é o ritual dos pendóns e das cruces cando os portadores se colocará uns fronte aos outros e comezan a arriar varias veces. Logo, realízase o bandeo do pendón, un ritual que require de gran destreza, forza e precisión para que, indo paralelo ao chan, non chegue a tocalo.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
