Foz, 30 de marzo de 2019. O Concello de Foz destina máis do 80 por cento dos 410.000 euros que lle corresponden do Plan Único, da Deputación, a mellorar accesos a núcleos de poboación das parroquias de Cangas, Nois, Fazouro, San Martiño e Santa Cilla.
O alcalde, Javier Jorge Castiñeira, explica que “dos 410.000 euros que lle corresponden ao Concello de Foz do Plan Único da Deputación e que o equipo de goberno decide a que se destinan, máis do 80 por cento dos investimentos van para accesos a diferentes núcleos de poboación de parroquias. Entendemos que é necesario seguir con ese plan de mellora dos accesos das nosas parroquias, que levamos desenvolvendo nos últimos anos, e facelo coas mellores garantías, neste caso apostamos polo aglomerado en quente, que ao final dá moita máis calidade”. O rexedor municipal especificou que algúns dos viarios que se van mellorar son: a estrada de Alemparte a Vilamor, en Cangas; en Nois actuarase en dúas, a que vai de Cabanas a Lamallada e a do Apeadero a Carpacide; en Fazouro a de Bargado a Lousada; en San Martiño a estrada que vai por Xinzo, que sube de Río ata do alto do Carmen; e tamén o acondicionamento dunhas estradas en Santa Cilla.
Javier Castiñeira deu a coñecer que tamén se inclúe “a reforma do alumeado na rúa Eduardo Pondal, a petición da nova asociación, no núcleo urbano de Foz, con practicamente 48.000 euros. Vai na liña que leva o equipo de goberno nestes últimos anos de mellorar os alumeados do concello. E tamén dentro do Plan Único van as partes proporcionais de investimentos en cultura, deportes, turismo e fomento do emprego, con 37.652 euros”.
O alcalde rematou comentando que “son en total 421.496,78 euros, dos cales o Concello de Foz ten que aportar 11.412, 60. Estamos contentos porque é unha aposta polas necesidades básicas das parroquias, onde está practicamente o 45 por cento da nosa poboación e practicamente un 80 por cento do noso territorio. É moi necesario porque é tamén unha forma de apostar pola xente que vive no rural, que non está nos núcleos urbanos, pero contribúe exactamente do mesmo xeito que o resto dos veciños”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
