Ribadeo, 1 de abril de 2019. A concelleira de Comercio, Ana Martínez, lembra que a partir do xoves desta semana, 4 de abril, poderanse canxear nas oficinas de ABanca en Ribadeo 30 euros por 40 panchas para poder gastar nos establecementos adheridos á campaña da moeda local. As panchas poderán empregarse entre o 5 de abril e o 5 de maio. Son 1.000 packs os que se poñen en circulación. Ana Martínez anima ao comercio local a inscribirse, aínda poden facelo ata este mércores e invita tamén á xente de Ribadeo e de fora da vila a participar nesta importante campaña que moverá 40.000 euros para gastar no comercio local durante un mes.
A edil dixo que “dende o Concello de Ribadeo queremos lembrar que nesta semana, a partires do xoves 4 se poderán adquirir en ABanca, os packs da Pancha, a nosa moeda local, que estará en curso desde o 5 de abril ata o 5 de maio, por un valor total de 40.000 euros para poder gastar no comercio local de Ribadeo, e que se poñerán á venda nun total de 1.000 packs”.
Ana Martínez subliñou que “serán unicamente 1.000 packs os que estarán dispoñibles, que no momento que se esgoten xa non se poderán adquirir máis, e polo tanto eu penso que é interesante que a xente que estea pensando en como adquirir esta moeda o vaia tendo en conta. A partires do día 4, xoves, nas oficinas de ABanca estarán dispoñibles os 1.000 packs nos que cada un de nós pagaremos 30 euros e poderemos recibir 40 panchas. Son 10 euros de regalo que se adquiren ao comprar as panchas. Como digo poderá facerse en ABanca, estarán dispoñibles ata que se esgoten e poderán gastarse desde o venres 5 de abril ata o 5 de maio, nos máis de 50 comercios adheridos ata día de hoxe en Ribadeo. Aínda hai establecementos que están a piques de adherirse, polo tanto entendo que a cifra será superior, e recordar a todos eses comercios que aínda non trouxeron a documentación, pero que si nos comunicaron o seu interese en participar neste programa da moeda local Pancha, a nosa moeda de Ribadeo, que o poden facer ata o día 3”.
A concelleira de Comercio e Turismo quere “animarvos a que esteades xa preparando esa posibilidade de adquirir a Pancha e a vir a Ribadeo a gastar e comprar no mellor comercio local”. Esta campaña está organizada polo Concello coa colaboración de Acisa e ABanca.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
