Lourenzá, 2 de abril de 2019. Lourenzá acollerá unha concentración de scooters, motos e coches clásicos o día 18 de este mes, Xoves Santo. Esta actividade está organizada pola asociación VespaFaba&Clásicos Lourenzá e colabora o Concello.
O presidente do colectivo organizador da Reunión Amigos de VespaFaba&Clásicos, Fran Rivas Dasilva, explica que “este é o cuarto ano que se fai en Xoves Santo e nesta ocasión coincide co torneo de baloncesto, ao que virá xente de diferentes puntos da Península, e vai ser un aliciente moi bo mesturar o terreo do deporte cos clásicos. Encima a asociación Conde Santo tamén se implica e fai unha sesión vermú e verbena á noite, na que actuará incluso a orquestra Panorama. Entón eu creo que vai ser un día moi interesante, a ver se nos acompaña o tempo e creo que imos pasalo moi ben. Xa temos xente que vai vir de diferentes puntos de Galicia e de Asturias, en coches e motos. Ademais o ano pasado empezamos cos colegas de Vespa Lugo Equipo de Rescate, que é o noso club de Vespas da provincia de Lugo, a facer as xincanas de scooters, e imos repetir esta actividade porque nos gustou moito, pásase moi ben coas Vespas nos obstáculos e nun trampolín que temos, polo que é recomendable para calquera que queira velo. E comeremos no Campo da Feira, que é onde fan a festa os da asociación Conde Santo”.
Fran Rivas engade que “xuntamos motos e coches clásicos e todos os que sexan afeccionados a este mundo que nos acompañen, están invitados, tanto se queren inscribirse como se non. Se alguén quere acercarse e por calquera circunstancia non quere apuntarse pode estar igual con nós, non hai ningún problema. E para inscribirse temos un teléfono (689.00.80.73), ao que se pode chamar ou vía whats app”.
Os organizadores da 4ª Reunión Amigos de VespaFaba&Clásicos esperan xuntar uns 50 ou 60 vehículos.
A alcaldesa de Lourenzá, Rocío López, comenta que “o Concello apoia unha vez máis, igual que noutras ocasións, esta concentración de VespaFaba&Clásicos que terá lugar o 18 de abril, coincidindo coa Semana Santa. Esta quedada traerá ó noso concello xentes chegadas doutras localidades que virán gozar desta ponte festiva a Lourenzá. É unha Semana Santa que acollerá tamén, un ano máis, o Torneo de Basket Feminino Lourenzá en Xogo, no que participan equipos chegados de distintos lugares de España e Portugal. Vai ser unha ponte chea de moitas actividades, na que tampouco faltará o toque de festa da man da orquestra Panorama o xoves 18 deste mes, evento organizado pola comisión de festas do Conde Santo. E o Concello colabora, igual que fai sempre, na organización de todas as actividades incluídas na programación da Semana Santa laurentina”.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
